Fakultetsrådet FHS

Mandat for fakultetsråd i HVL

Rådet skal vera eit rådgjevande organ i overordna, strategiske saker som dekan legg fram. Rådet kan også på eige initiativ løfte fram saker av strategisk eller prinsipiell karakter. Dette er særleg viktig i saker som bidrar med eksterne perspektiv som styrker samfunnsrelevansen til fakultetet si verksemd.

Medlemane i fakultetsrådet representerer ikkje særinteresser, men skal ha heilskapen i fakultetet si verksemd knytt til strategiske målsettingar som rettesnor.

Det skal haldast 3-4 rådsmøte i året, med møtevarigheit på inntil 3 timar. Første møte i ein rådsperioden skal utvidast med gjennomgang av mandat, rolleforståing og forventingsavklaring blant rådet sine medlemar.

Det er bestemt at fakultetsråda i HVL skal vere opne, både i saksgang og i møtegjennomføring. Dette inneber at møtedokument vert lagt ut på Opengov, og at sjølve møta er opne for tilhøyrarar – både tilsette og studentar. Digitale møter vil bli gjort tilgjengeleg som webinar i sann tid (det vert ikkje gjort opptak av møta), og fysiske møter vert opne for tilhøyrarar der dei vert avvikla.

Funksjonstid og samansetnad

Rådet si funksjonstid følgjer dekanane sine åremålsperiodar.
Rådet vel sjølv sin leiar, som er ansvarleg for leiing av møta i rådet. Leiar kan vere ein ekstern representant. Dekan er ansvarleg for sekretariatsfunksjon for rådet. Alle representantar skal ha vara.

Fakultetsrådet er satt saman slik:

• Dekan
• Inntil 3 representantar frå vitskapleg tilsette ved fakultetet
• 1 representant frå administrativt tilsette ved fakultetet
• Inntil 4 eksterne representantar
• 2 studentrepresentantar