Institutt for bygg, miljø- og naturvitskap
Institutt for bygg, miljø- og naturvitskap har om lag 900 studentar og 80 tilsette frå 16 ulike nasjonar.
Instituttet held til ved campus Bergen og campus Sogndal, der vi tilbyr forskingsbaserte utdanningar og problembasert læring på bachelor-, master- og ph.d.-nivå.
Forskinga er organisert i ti forskingsgrupper. Desse har utstrekt nasjonalt og internasjonalt samarbeid med universitet, forskingsmiljø, næringsliv og offentlege etatar innanfor bygg, landmåling, byplanlegging, mobilitets- og transportplanlegging, energiomstilling, økologi og klima, naturrestaurering, geofarar, bredynamikk, klimaomstilling og bærekraftig arealbruk.
Instituttet deltek aktivt i Artemis saman med sju andre universitet i Europa. Målet med alliansen er å legge til rette for økt student- og lærarmobilitet og samarbeid om forsking og utdanning.
Forskarane våre er aktive i nasjonale og internasjonale forskingsprosjekt og leier eller deltek i ei rekke prosjekt finansiert av EU og Forskningsrådet.
