Slik kjem du til oss på Stord

Med fly

Du kan reise med fly til Stord lufthamn (Sørstokken). Den ligg ca. 18 minutt med bil frå Leirvik sentrum. Stord lufthamn er Sunnhordlandsregionen si lokale lufthamn.

Du kan også reise med fly til Haugesund lufthavn (Helganes), som ligg på Karmøy. Derfrå kan du ta flybuss eller taxi til Haugesund busstasjon på Flotmyr, og Kystbussen vidare til Leirvik. 

Du kan også reise med fly til Bergen Lufthavn (Flesland) og deretter ta flybussen til Bergen sentrum og Kystbussen til Leirvik. Det går også båt frå Flesland til Leirvik båtkai.

Med buss

Kystbussen går fleire gongar om dagen frå Bergen til Stavanger. Kystbussen stoppar mellom anna ved Leirvik bussterminal. Det går lokalbuss (Skyss) frå Leirvik bussterminal til campus Stord.

Med bil

Stord ligg rundt 80 km sør for Bergen (E39) og rundt 130 km nord for Stavanger (E39). 

Vi har gode, gratis parkeringsmoglegheiter på campus. Sjå kor du kan parkere på campuskartet.

Campus Stord har 24 ladestasjonar til elbilar, der du kan lade gratis. Ladeløyve hentar du i Servicetorget etter du har parkert. På ladeløyvet skriv du mobilnummeret ditt, slik at andre kan kontakte deg om det er nødvendig. Ladeløyve må ligge godt synleg i frontruta.

Det er to parkeringsplassar for personar med funksjonsnedsetting på parkeringsplassen, der ein også kan lade elbil, og to parkeringsplassar ved aulaen.

Kart over Sunnhordland og Nordrogaland med reiseruter