Opptakskrav og søknad
Opptakskrav
Alle tre krava må vere oppfylte:
1. Bachelorgrad med relevant fordjuping innan naturvitskap, samfunnsvitskap, humaniora, teknologi eller ingeniørfag. Fordjupinga må vere relevant for klima- og miljøfeltet, som til dømes Energi- og miljøvitskap, Politikk og forvalting, Grøn teknologi og omstilling, Geovitskap og naturfarar, eller ein kombinasjon av fleire.
2. Samla karakter på grunnutdanninga må vere C eller betre.
3. Søkarar med utdanning frå land utanfor Norden må dokumentere engelsk jamfør § 2.1 (4) i forskrift om opptak til HVL.
Søknadsfrist for søkarar utanfor EU/EØS: Ingen opptak i 2025
Søknadsfrist for søkararfra EU/EØS: 1. mars 2025
Slik søker du
-
- Logg inn i SøknadsWeb.
- Velg opptak "Master programmes for international students"
- Velg studiet du vil søke på fra lista, søknadskoden for norske søkere er 3304.
- Trykk på "Legg til" og "Send inn søknad".
- Last opp dokumentasjon på at du dekker opptakskravet
- Trykk "Neste" for å gjøre ferdig søknaden.
Om å søke opptak til HVL
Kvifor studere Climate Change Management?
Velkomen til fantastiske Sogndal – det perfekte laboratoriet for å studere klimaendringar! Med kort veg til fjord, fjell, isbrear gir Sogndal deg ein unik moglegheit til å forstå klimaendringar på nært hold. Her møter du studentar frå heile verda og kan dele dine egne erfaringar med klimaendringar, samtidig som du blir ein del av eit internasjonalt forskingsmiljø med brei kompetanse innan klima, natur, energi og berekraft.
På master i Climate change management lærer du om utfordringane knytt til klimaendringar. Vi utforskar løysingar gjennom ein heilskapleg tilnærming som vektlegg både naturvitskapelege og samfunnsvitskapelege perspektiv. I masteroppgåva di kan du spesialisere deg innan eit tema du interesserer deg spesielt for.
Du lærer om
- korleis klimaendringar påverkar samfunn og økosystem.
- samfunnsomstilling, klimapolitikk, forbrukaråtferd og sirkulær økonomi.
- klimamodellar og klimaframskrivingar for å analysere og vurdere ulike framtidsscenario.
- omstilling av energiproduksjon, energiforbruk og energisystem i ein klimavennleg retning.
- nødvendige omsyn i arealplanlegging, inkludert skred- og flaumrisiko.
- positive og negative samspeleffektar mellom klimaendringar, klimatiltak, naturkrise og berekraftig utvikling.
- naturbaserte løysingar på klimautfordringar.
Ved å studere Climate Change Management kan du vere med å løyse ein av vår tids største utfordringar. Du utviklar ferdigheiter og innsikt som gjer deg attraktiv på arbeidsmarknaden, og sikrar deg ei meiningsfull karriere der du kan gjere ein forskjell!
Kva kan du jobbe med?
Etter fullført masterstudium har du mange karrieremoglegheiter. For eksempel:
- Planlegging og forvalting: Arbeid innan kommunar, regionar og direktorat, til dømes planlegging av arealbruk for vegar, jernbane og bustadar.
- Miljø-, klima- og energirådgiving: Jobb i privat og offentleg sektor, eller i organisasjonar, med rådgiving om korleis areal bør vere utforma for å unngå skadelege effektar av flaum, skred og andre klimarelaterte hendingar.
- Forsking, utvikling og undervisning: Klimaforsking i brei forstand, til dømes utvikle naturbaserte løysingar på klimautfordringar, og strategiar og tiltak for å redusere utslepp av klimagassar.
Korleis er undervisninga?
Undervisninga varierer mellom forelesingar, ekskursjonar, feltarbeid, arbeid i laboratorium og prosjektarbeid.
Dette er ein internasjonal master med både norske og utanlandske studentar, noko som gir deg ein unik moglegheit for erfaringsutveksling. All undervisning er på engelsk, men du kan sjølv velje om du vil skrive masteroppgåva di på norsk/skandinavisk eller engelsk.
Vi har blokkundervisning, det vil seie at vi jobbar med eit emne om gongen og avsluttar med eksamen, før vi begynner på neste emne.
Utveksling
Det er tilrettelagt for studieopphald i utlandet i 2. semester. Her kan du fordjupe deg i eit emne du interesserer deg særleg for.
Kor kan du reise?
Island | University Centre of the Westfjords
Italia | University of Turin
Litauen | Kaunas University of Technology
Tyskland | Carl von Ossietzky University of Oldenburg
Tyskland | Bingen University of Applied Sciences
