PL413 Miljø- og forvaltningsrett

Innhald og oppbygging

Om lag 1/3 av emnet er ei grunnleggjande innføring i offentleg forvaltning retta mot forvaltningslova og offentleglova. Emnet tek elles føre seg sentrale lover og verkemiddel i norsk miljø- og naturforvaltning. Det vert lagt vekt på ei praktisk og yrkesretta tilnærming til stoffet. Studentane får innsikt i den praktiske kvardagen i deler av forvaltninga gjennom møter med representantar for offentleg forvaltning, og dei får øving i sakshandsaming.

Læringsutbytte

. Studentane skal ha:

• kunnskap om juridiske grunnomgrep og offentleg forvaltning etter forvaltningslova og offentleglova:Rettskjeldelære og juridisk metode, reglane i forvaltningslova og offentlegheitslova om saksførebuing, habilitet, innsynsrett og klage.
• kjennskap til mål, prinsipp og verkemiddel innanfor sentrale deler av norsk naturforvaltning
• kunnskap om offentleg forvaltning etter naturmangfaldlova, miljøinformasjonslova, skoglova, viltlova, friluftslova, motorferdslelova, ureiningslova og vassdragslovgjevinga

Studentane skal kunne:

• utføre offentleg sakshandsaming innanfor naturforvaltning

Studentane skal ha god forståing av:

• dei sentrale sakshandsamingsreglane i offentleg forvaltning
• forståing for den rolla den offentlege forvaltninga har i samfunnet
• forståing for mål og prinsipp for offentleg miljø- og naturforvaltning

Undervisnings- og læringsformer

Forelesingar, seminar og oppgåveløysing med gjennomgang i plenum.

Obligatorisk læringsaktivitet

Arbeidskravet er knytt til offentleg sakshandsaming innanfor naturforvaltning. Krav til innlevering anten individuelt eller i gruppe. Godkjent arbeidskrav er eit vilkår for å få gå opp til eksamen i emnet.

Vurderingsform

Skriftleg eksamen 4 timar.

Bokstavkarakter A-F