GK305 Fleirkulturell praksis

Innhald og oppbygging

Fleirkulturell praksis har hovudfokus på praksis og prosjektarbeid i Zambia, men alternativ praksis i Sør-Afrika kan og være aktuelt.

• Praksis/arbeid på eit felt som er relevant for studentane sin profesjon
• Datainnsamling og prosjektarbeid. Tema for prosjektet skal godkjennast av rettleiar
• Individuell refleksjon, analyse og rapportskriving
• Samfunnsvitskapleg metode og kritisk tenking er sentrale arbeidsmåter

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om samfunnsvitskaplege metodar/feltarbeid i ein ny kulturell kontekst
• kan samle inn og anvende relevant fagleg kunnskap i ulike faglege samanhengar både munnleg og skriftleg

Ferdigheiter

Studenten

• kan bruke eigen profesjonskompetanse/fagkompetanse i ein ny kulturell kontekst gjennom respekt og toleranse for menneske frå andre kulturar
• kan samhandle og kommunisere verbalt og nonverbalt med menneske frå ulike kulturar
• kan anvende samfunnsvitskaplege metodar og skrive ei praksisnær prosjektoppgåve
• kan samhandle på tvers av ulike profesjonar
• skal ha innsikt i utøving av sosialt arbeid i ein ny kulturell kontekst

Generell kompetanse

Studenten

• kan overføre til norske forhold fag/profesjonskompetanse erfart i afrikansk kontekst
• kan utvide eigen forståingshorisont i møte med andre menneske og reflektere kritisk over eigen kulturell ståstad i møte med andre 

Krav til forkunnskapar

60 studiepoeng høgare utdanning og opptak på Global kulturkunnskap, og vere student på bachelor i barnevernpedagogikk, sosialt arbeid eller vernepleie.

Undervisnings- og læringsformer

Undervisningsformene er knytt til praksis i ein annan kultur, diskusjon med medstudentar under opphald i utlandet og samarbeid med medstudentar og rettleiarar. Sjølvstendig arbeid både i praksis, med datainnsamling og prosjektrapportskriving krev sjølvdisiplin og tilpassingsevne i ein ny kultur.

Obligatorisk læringsaktivitet

• Studentane må aktivt delta på introduksjonsprogram.
• Obligatorisk deltaking på seminar og rettleing.
• Gjennomført og godkjend praksis (inkludert før- og etterarbeid).
• Innsamling av data til prosjekt.

Vurderingsform

Individuell prosjektrapport. Ca 6000 ord. Bokstavkarakter A-F.

Hjelpemiddel ved eksamen

Ingen

Meir om hjelpemiddel