SYKF350P Praksisstudie. Komplekse pasienttilstandar i kommunehelsetenesta. Fagleg leiing, tenesteutvikling og innovasjon

Innhald og oppbygging

Emnet er eit rettleia praksisstudie kor studenten skal tilegne seg innsikt i:

- personsentrert sjukepleie til menneske med komplekse og samansette pasienttilstandar og sjukdomsbilete i den kommunale helse- og omsorgstenesta, med særskilt fokus på pasientar og pårørande i heimesjukepleietenesta.

- sjukepleiaren sin funksjon knytt til fagleg leiing, tenesteutvikling og innovasjon i helsetenesta

- tverrfagleg samarbeid, teknologi og helse, pasienttryggleik og brukarmedverknad

Innsikta skal bidra til å kunne kritisk vurdere, prioritere og grunngje sjukepleie- og organisatoriske tiltak både på individ- og systemnivå. Studenten skal kunne identifisere behov for tverrprofesjonell samhandling i tenestene, fagleg leiing og koordinering, dokumentasjon og informasjonsoverføring for å ivareta og sikre kvalitet i tenestene.

Emne gjennomførast i kommunehelsetenesta, minst 210 av timane skal gjennomførast i heimesjukepleie.

Emnet sitt arbeidsomfang er rekna til 607,5 timar. Av desse timane er 420 timar knytt til pasientretta arbeid og fagleg leiing i praksisfeltet. Dei resterande timane er knytt til obligatoriske læringsaktivitetar og sjølvstudium. Det er krav om 90% deltaking i emne.

Læringsutbytte

Ein student med fullført emne skal ha oppnådd fylgjande læringsutbytte definert i kunnskap, ferdigheiter og generell kompetanse:

Kunnskap:

Studenten…

• kjenner til verktøy og metodar for å drive innovasjonsprosessar, implementering og kontinuerleg forbetringsarbeid

Ferdigheiter:

Studenten…

• kan nytte fagleg kunnskap for å initiere og bidra til tverrfagleg, tverrprofesjonell og tverrsektoriell samhandling, for å sikre eit koordinert, heilskapleg og samanhengande behandlingsløp på tvers av verksemder og nivå
• kan nytte kunnskap om utgreiing, behandling og oppfølging for å understøtte pasienten sitt avgjerdsgrunnlag
• kan reflektere over og handtere faglege, etiske og juridiske problemstillingar i tråd med gjeldande lover og retningslinjer, samt justere eigen praksis i si tenesteutøving
• kan beherske kartleggings-, vurderings-, dokumentasjons- og kommunikasjonsverktøy i utøving av sjukepleie
• kan nytte oppdatert kunnskap om helse- og velferdssystemet, lover, regelverk og rettleiingsdokument i si tenesteutøving

Generell kompetanse:

Studenten…

• kan leie og prioritere oppgåver i sjukepleietenesta
• har innsikt i kvalitetsindikatorar og standard terminologi i dokumentasjon av sjukepleie
• har innsikt i korleis pasientar sin språklege og kulturelle bakgrunn utfordrar ivaretaking av kvalitet og pasienttryggleik, samt kunnskap om bruk av tolk
• har innsikt i kvaliteten på sjukepleia og dei tenestene pasientane/brukarane tek i mot, og kan justere eiga profesjonsutøving
• har innsikt i utvikling og bruk av teknologi og digitale løysingar si påverknad av tenesteutøving både på individ- og systemnivå i helsetenesta
• kan planlegge og gjennomføre sjukepleie til menneske med samansette og komplekse pasienttilstandar og sjukdomsbilete og gjennomføre sjukepleie til menneske i palliativ fase
• kan planlegge og gjennomføre forsvarleg legemiddelhandtering, medrekna legemiddelrekning, og kvalitetssikrar den enkelte pasient sin legemiddelbruk
• kan planlegge og gjennomføre kommunikasjon og samhandling med pasientar og pårørande basert på respekt, medbestemming og integritet
• kan planlegge og gjennomføre målretta samarbeidsprosessar med pasientar/brukarar, pårørande og andre tenesteutøvarar, og kan førebygge og løyse konfliktar
• kan planlegge og gjennomføre tiltak som sikrar trygg overføring av pasientar mellom ulike einingar og nivå i helsetenesta
• kan planlegge og gjennomføre kvalitetsutviklingsarbeid og tenesteutvikling i samarbeid med pasientar, pårørande og anna helsepersonell
• kan planlegge og gjennomføre målretta tiltak for å redusere uønskte hendingar og variasjon i helsetenesta
• kan formidle fagleg kunnskap og relevant resultat frå forskings- og utviklingsarbeid i teoretiske og praktiske problemstillingar både skriftleg og munnleg, og kan grunngje val i tråd med kunnskapsbasert praksis
• kan formidle synspunkt og dele erfaringar med andre innanfor fagområdet både skriftleg og munnleg, og gjennom dette bidra til utvikling av god praksis
• kjenner til kvalitetsutfordringar på system- og/eller oppgåvenivå som krev innovasjon

Krav til forkunnskapar

SYK100, SYK130, SYK140, SYK200, SYK120P, SYK220P, SYK230P

Tilrådde forkunnskapar

SYK110, SYK250, SYK300

Undervisnings- og læringsformer

Førelesing

Arbeid i grupper

Digitale ressurser

Formidling frå studentar

Ferdigheitstrening

Simulering

Rettleiing

Medstudentrespons

Eigenvurdering

Oppgåveløysing

Skriftleg arbeid

Sjølvstudium

Obligatorisk læringsaktivitet

Følgande obligatoriske læringsaktivitetar må vere godkjent før kandidaten kan starte i direkte pasientretta arbeid:

1.Obligatorisk deltaking i undervisning som er knytt til praksisførebuing, ferdigheitstrening og simulering. Krav om 90% deltaking

2: Obligatorisk deltaking i gruppearbeid/simulering som omhandlar legemiddelhandtering og-rekning. Vurdert til godkjent/ ikkje godkjent

Følgande obligatoriske læringsaktivitet må vere vurdert til godkjent før kandidaten framstiller seg til sluttvurdering i praksis:

3: Individuelt skriftleg arbeid knytt til tverrfagleg, tverrprofesjonell og/eller tverrsektoriell samhandling. Det skriftlege arbeidet er på inntil 1500 ord +/- 10%.

4.Gjennomføring av eit forbetringsarbeid (individuelt/gruppe). Forbetringsarbeidet skal formidlast både skriftleg og munnleg. Det skriftlege arbeidet er på inntil 1000 ord +/- 10%.

Vurderingsform

Praksisstudie vurderast til bestått/ikkje bestått etter ei avsluttande vurdering av kandidaten sin prestasjon i praksisperioden. For å bestå praksis må kandidaten ha nådd læringsutbytta og oppfylt kravet til 90% deltaking i praksis.

Ny praksis

Dersom praksis vert vurdert til ikkje bestått vil ny praksisperiode gjennomførast saman med neste kull.

Hjelpemiddel ved eksamen

Alle

Meir om hjelpemiddel