MAT122 Statistikk for ingeniørar

Innhald og oppbygging

Emnet gir ei innføring i fagområdet statistikk og sannsynsrekning. Det vert lagt vekt på å forstå og nytte statistiske modellar til å beskrive data som er samla inn, og om mogleg seie noko om data som ikkje er observert, kjent som statistisk inferens. Det vil òg bli lagt vekt på bruk av relevante dataverktøy.

Læringsutbytte

Ein student som har fullført emnet har følgjande læringsutbytte definert i kunnskapar, ferdigheiter og generell kompetanse:

Kunnskapar

Etter fullført emne kjenner studenten til grunnleggjande teori om deskriptiv statistikk, sannsyn, fundamentale fordelingar, estimering av parametre og konfidensintervall, hypotesetesting, korrelasjon, enkel lineær regresjon, val av statistiske modellar og dataverktøy for statistikk.

Ferdigheiter

Etter fullført emne kan studenten

• velje eigna statistiske modellar
• gjere enkle rekneoperasjonar og nytte relevant dataverktøy for å analysere data
• estimere relevante parametre, teste hypotesar og gjennomføre lineær regresjon

Generell kompetanse

Etter fullført emne

• har studenten kjennskap til statistiske modellar og kan utføre enkle analysar
• kan studenten forstå, fortolke og vurdere resultat frå statistiske analysar

Krav til forkunnskapar

Ingen

Undervisnings- og læringsformer

Emnet vert lagt opp med blanda undervisningsformer, og presentasjon av lærestoffet skjer mellom anna gjennom førelesingar, litteratur og oppgåverekning.

Det vert lagt vekt på rekneøvingar, der studentane samarbeider om å nytte seg av teorien i oppgåveløysing, assistert av studentassistentar eller faglærer. Det vert òg lagt vekt på bruk av relevante dataverktøy.

Obligatorisk læringsaktivitet

Tre obligatoriske aktivitetar. Godkjende obligatoriske aktivitetar er gyldige for alle påfølgjande semester.

Vurderingsform

3 timar skriftleg skuleeksamen.

Karakterskala A-F, der F svarar til ikkje bestått.

Hjelpemiddel ved eksamen

Enkel kalkulator. Godkjente kalkulatorer er: Casio fx-991 og Casio fx-82 (Alle typer: ES, ES Plus, EX, Solar etc.)

Meir om hjelpemiddel

Fagleg overlapping

• MAT121 - Statistikk for ingeniør - Reduksjon: 5 studiepoeng
• BYG102 - Statistikk og landmåling - Reduksjon: 5 studiepoeng
• ELE161 - Statistikk og måleteknikk - Reduksjon: 5 studiepoeng
• ELE103 - Statistikk og måleteknikk - Reduksjon: 5 studiepoeng
• MAT102 - Diskret matematikk og statistikk - Reduksjon: 5 studiepoeng
• MAT112 - Statistikk for ingeniør - Reduksjon: 5 studiepoeng