PSBU101 Psykisk helse hjå barn og ungdom

Innhald og oppbygging

Emnet introduserer ulike perspektiv på psykososialt arbeid med barn og unge, samt viktige føresetnader for å vidareutvikle og betre barn og ungdom sine evner til å meistre livskriser og psykososiale belastingar.

I emnet vil studenten auke kompetanse til å styrke meistring og trivsel hos barn og unge i heim, barnehage, skule, og fritid. Her skal studenten utvikle ferdigheiter i å identifisere og å arbeide med psykososiale belastningsfaktorar i barn og unge sine liv. Døme på belastningsfaktorar kan vere barn og ungdom i familiar med alvorlege psykiske lidingar, familiar med vald eller rusproblematikk, omsorgssvikt samt risikofaktorar knytt til einsemd, mobbing og traume.

Emnet er forankra i ei helsefremjande tenking og skal vidareutvikle deltakarane si evne til å oppdage og styrke barn og unge sine eigne evner og mogeligheter til å meistre utfordringar i livet. Emnet skal utvikle ferdigheiter knytt til å styrke barn og unge sin familie og sosiale nettverk og andre tilhøve som fremjar god psykisk helse hjå barn, ungdom og familiar

Undervisninga fokuserer på generell utviklingspsykologi og psykiske vanskar og lidingar hos barn, ungdommar og unge vaksne. Samanhengar mellom biologiske, psykologiske og sosiale faktorar med relevans for barn og unge si tilknyting og tilhørigheit vert særlig framheva. Aktuelle relevante tema kan vere psykiske plager og lidingar hos barn og unge - og korleis dei kan komme til uttrykk.

Læringsutbytte

Ein studenten med fullført emne har følgjande læringsutbytte definert i kunnskap, ferdigheiter og generell kompetanse.

Kunnskap:
Studenten...

• har inngåande kunnskap om generell utviklings- og barndomspsykologi samt kunnskap om ulike perspektiv på psykisk helse og korleis desse påverkar arbeidet med barn og unge
• har avansert kunnskap om betyding av oppvekstvilkår, kultur, barn sine psykososiale behov, og om risikofaktorar og beskyttande faktorar for psykososial helse hos barn og ungdom
• har inngåande kunnskap om dei mest alminnelege psykiske lidingane hos barn og ungdom, og symptom på desse
• har avansert kunnskap om grunnleggande vilkår for å fremje og vidareutvikle barn og ungdom sine evner til å mestre livskriser og psykososiale belastningar, samt betyding av brukarmedverknad og myndiggjering for fremjing av psykisk helse.
• har inngåande kunnskap om reaksjonar og uttrykk for psykososiale utfordringar hos barn og unge

Ferdigheiter:
Studenten...

• kan analysere og forholde seg kritisk til samfunnsmessige faktorar som har betyding for utvikling av psykiske vanskar og lidingar
• kan identifisere samfunnsmessige og biologiske faktorar som har betyding for utvikling av psykiske vanskar og lidingar
• kan analysere reflektere over ulike historiske perspektiv på normalitet og normalutvikling hos barn, ungdom, unge vaksne og familien
• kan etablere og inngå i helsefremjande og meistrings-skapande relasjonar med barn, ungdom og deira familiar med utgangspunkt i deira eigne ønsker og behov.

Generell kompetanse:
Studenten...

• kan identifisere og reflektere kritisk rundt etiske og moralske utfordringar i psykososialt arbeid med barn og unge og gjennom dette bidra til utvikling av god praksis

• kan anvende kunnskap om betydinga av brukarmedverknad og myndiggjering i arbeidet med barn, ungdom og deira familiar i praksis

• kan anvende kunnskap om generell utviklingspsykologi for å identifisere normalutvikling hos barn og unge

Krav til forkunnskapar

Ingen

Undervisnings- og læringsformer

Undervisninga er organisert med 3 samlingar á 3 dagar. Det vert ei kombinasjon mellom heildigitale og fysiske samlingsdagar/veker. Det vert nytta varierte undervisningsformer i form av forelesningar, gruppeoppgåver og deltaking i tverrfaglege studie- og rettleiingsgrupper. Yrkeserfaringa til studentane trekkast inn i undervisninga. Mellom samlingane er det lagt opp til sjølvstudium.

Obligatorisk læringsaktivitet

Følgjande obligatoriske læringsaktivetar må vere godkjende før studenten kan framstille seg for sluttvurdering:

1. 75% obligatorisk frammøte i undervisning og 100% frammøte til rettleiingsgrupper

2. Ei individuell skriftleg oppgåve der studenten reflekterer over studiet og eiga yrkesrolle. Omfang: om lag 1000 ord.

Vurderingsform

Mappevurdering

Studenten skal utarbeide ei læringsmappe. Mappa skal vere eit forarbeid til sluttvurderinga, og skal inndelast i 2 skriftlege arbeid med ulike fastsette tema, og med eit omfang på om lag 2000 ord på kvar oppgåve. Det blir trekt ei oppgåve frå læringsmappa for sluttvurdering. Kandidaten kan arbeide vidare på denne teksten dei neste 48 timane, før besvarelsen blir levert elektronisk. Oppgåva skal ha eit omfang på maks 2500 ord.

Vurderingsuttrykk
Gradert karakterskala A til F, der A - E er bestått karakter og F er ikkje bestått

Hjelpemiddel ved eksamen

Alle hjelpemidler tilletne.

Meir om hjelpemiddel

Fagleg overlapping

• PS115 - Psykisk helse hos barn, ungdom og unge vaksne - Reduksjon: 15 studiepoeng
• PSBU6101 - Psykisk helse hjå barn og unge - Reduksjon: 15 studiepoeng