PSBU102 Kompetanse og tenesteutvikling i psykososialt arbeid med barn og unge

Innhald og oppbygging

Fokus i dette emnet er retta mot utvikling av kunnskapar, ferdigheiter og haldningar i praksis og forholdet mellom desse. Emnet er knytt tett opp til refleksjon og rettleiing over eigen praksis og konkrete utviklingsprosjekt på arbeidsplassen. Emnet Kompetanse og tenesteutvikling i psykososialt arbeid med barn og unge går også inn i dei andre emna, og strekker seg gjennom begge studieåra.

Innhald/oppbygging:

• Regjeringa sin strategiplan for barn og unge si psykiske helse
• Skriftleg og munnleg systematisering og formidling av erfaringsbasert kunnskap
• Kunnskapsdanning i praksis
  • Erfaring, rettleiing, refleksjon og utvikling av praktisk kunnskap
• Kunnskapen sitt verdi- og teorigrunnlag
• Evidensbaserte praksisar og praksisbaserte evidensar
• Kvalitetssikring og faglegheit i tenestetilbodet
• Kritiske og etiske refleksjonar i og over praksis
  • Tatt - for gitt- kunnskap og tradisjonsbunde praksisar
• Den personlege epistemologi
  • Eigne overtydingar, personlege utvikling og fagleg tenking
• Utvikling av personleg kompetanse og moralsk forsvarleg praksis
• Etiske dilemma og konfliktområde i praksis
  • Makt, hjelp og krenking i psykososialt arbeid med barn og ungdom

Læringsutbytte

Ein student med fullført emne har følgjande læringsutbytte definert i kunnskap, ferdigheiter og generell kompetanse.

Kunnskap: Studenten...

• har avansert kunnskap om betydinga av systematisk, kritisk og etisk refleksjon i praksis.
• har inngåande kunnskap om faglege problemstillingar med utgangspunkt i historikk, tradisjon og eigenart ved faget psykososialt arbeid med barn og unge
• har avansert kunnskap om betydinga av psykisk helsefremmande og sjukdomsførebyggande arbeid blant barn og unge, sett frå perspektivet individ og samfunn

Ferdigheiter: Studenten...

• kan reflektere over egen praksis og kunne ta imot og gje rettleiing til kollegaer og andre faggrupper.
• kan analysere og kritisk vurdere ulike kunnskapskjelder, og nytte kunnskapen til å strukturere og formulere faglege resonnement for vidareutvikling på eigen arbeidsplass

Generell kompetanse: Studenten...

• har inngåande kunnskap om betydinga av eigen faglege og personlege kompetanse, kreativitet, mot og etiske haldning i møte med barn, ungdom og deira familie
• har innsikt i betydinga av å nytte kunnskap om vitskaplege metodar for å få mot til å fremje konstruktiv utvikling og nytenking til det beste for barn, ungdom og deira familiar

Krav til forkunnskapar

Ingen

Tilrådde forkunnskapar

PSBU101

Undervisnings- og læringsformer

Undervisninga er organisert med 3 samlingar á 3 dagar. Det vert ei kombinasjon mellom heildigitale og fysiske samlingsdagar/veker. Det vert nytta varierte undervisningsformer i form av forelesningar, gruppeoppgåver og deltaking i tverrfaglege studie- og rettleiingsgrupper. Yrkeserfaringa til studentane trekkast inn i undervisninga. Mellom samlingane er det lagt opp til sjølvstudium.

Obligatorisk læringsaktivitet

Følgjande obligatoriske læringsaktivetar må vere godkjende før studenten kan framstille seg for sluttvurdering:

1. 75% obligatorisk frammøte til undervisning og 100% frammøte til grupperettleiing

2. Ei skriftleg individuell oppgåve der studenten reflekterer over, og evaluerer utvikling av, eigen yrkeskompetanse i slutten av semesteret. Omfang: om lag 1000 ord.

Vurderingsform

Oppgåve Ein individuell skriftleg fagtekst med fokus på refleksjon over eigen praksis, ferdigheiter og haldningar, og pågåande eller potensielle utviklingsprosjekt på eigen arbeidsplass (Tal ord: 2500-3000)

Vurderingsuttrykk Gradert karakterskala A til F, der F svarar til ikkje bestått.

Ny eksamen

Ved ikkje bestått leverer studenten bearbeida, skriftleg oppgåve til ny eksamen.

Hjelpemiddel ved eksamen

Alle hjelpemidler tilletne.

Meir om hjelpemiddel

Fagleg overlapping

• PS102 - Kompetanse og tenesteutvikling i psykososialt arbeid med barn og unge - Reduksjon: 7,5 studiepoeng
• PSBU6104 - Kompetanse og tenesteutvikling - Reduksjon: 5,5 studiepoeng