SYKH250 Folkehelse i eit nasjonalt og globalt perspektiv

Innhald og oppbygging

Emnet gjev brei kunnskap, ferdigheitar og generell kompetanse i helsefremmande og førebyggande arbeid i eit nasjonalt og globalt folkehelseperspektiv. I tillegg vil emnet bidra til auka innsikt i sentrale omgrep og tema innan global helse, internasjonalisering, FN sine berekraftsmål og menneskerettar. Praksis er ei fordjuping innanfor folkehelsearbeid.

Emnet inneheld følgande tema:

• Helsedeterminantar og sosial ulikskap i helse
• Salutogenese og empowerment
• Helsekompetanse/Health literacy
• Sjukepleiaren sin pedagogiske funksjon
• Nasjonale og internasjonale styringsdokument
• Kultur og helse i eit globalt perspektiv
• Migrasjonshelse
• Kultursensitivitet og kommunikasjon
• Seksuell orientering, kjønnsidentitet og kjønnsuttrykk
• Vaksinasjon
• Livsstil og livsstilsendringar
• Førebyggande helsearbeid knytt til barn og unge
• Frivillig arbeid

Emnet kan innehalde "internasjonalisering heime", pediatri, svangerskap og barselomsorg.

Emnet sitt arbeidsomfang er rekna til 405 timar. Av desse er 160 timar knytt til pasient- og brukarretta arbeid på ulike nivå. Det er krav om 90% deltaking i pasient og brukarretta arbeid.

Læringsutbytte

Ein student med fullført emne skal ha oppnådd følgande læringsutbytte, definert i kunnskap, ferdigheiter og generell kompetanse.

Kunnskapar

Studenten…

• har brei kunnskap om sjukepleiaren sin helsefremmande og førebyggande funksjon i eit folkehelseperspektiv
• har kunnskap om relevante undervisnings- og rettleiingsmetodar
• har kunnskap om inkludering, likestilling og ikkje-diskriminering uavhengig av kjønn, etnisitet, religion og livssyn, funksjonsnedsetting, seksuell orientering, kjønnsidentitet, kjønnsuttrykk og alder slik at kandidaten kan bidra til likeverdige tenester for alle grupper i samfunnet
• har kunnskap om helse- og sosialpolitikk innanfor fagfeltet folkehelse, inkludert gjeldande myndigheitskrav
• har kunnskap om barn og unge sine behov for tenester i eit folkehelsepersektiv og sikring av deira medverknad og rettigheiter
• har kunnskap om samtale med barn om tema omsorgssvikt, vald og overgrep
• har kunnskap om tverrprofesjonelt samarbeid
• har kunnskap om arbeidsinkluderande tiltak
• har kunnskap om samane sin status som urfolk og om samane sine rettar, særskilt innanfor helse- og sosialfeltet

Ferdigheiter

Studenten…

• kan nytte fagleg kunnskap om helsefremmande og forebyggande tiltak og relevante resultat frå forskings- og utviklingsarbeid i teoretiske og praktiske problemstillingar, og kan grunngje val i tråd med kunnskapsbasert praksis
• kan nytte kunnskap om kulturkompetanse og kulturforståing i vurdering, planlegging, gjennomføring og evaluering av sjukepleie i eit folkehelseperspektiv
• kan nytte kunnskap om lærings-, mestrings- og endringsprosessar i rettleiing og undervisning i eit folkehelseperspektiv
• kan nytte relasjons-, kommunikasjons- og rettleiingskompetanse i folkehelsearbeid
• kan nytte oppdatert kunnskap om helse- og velferdssystemet, lover, regelverk og rettleiingsdokument i si tenesteutøving innanfor folkehelsearbeid
• kan nytte fagleg kunnskap om helse og sjukdom i folkehelsearbeid for å systematisk observere, vurdere, avgjere, sette i verk og dokumentere hensiktsmessige sjukepleietiltak, samt evaluere effekten av desse og justere ved behov
• kan nytte kunnskap for å sette i verk tiltak som fremmer god psykisk helse

Generell kompetanse

Studenten…

• kan planlegge og gjennomføre eit prosjekt
• kjenner til globale helseutfordringar og sjukepleieutøving i eit internasjonalt perspektiv
• kan formidle og reflektere over faglege, etiske og juridiske problemstillingar, samt justerer eigen praksis i si tenesteutøving
• kan formidle synspunkt og dele erfaringar med andre innanfor fagområdet, og gjennom dette bidra til utvikling av god praksis
• har innsikt i samanhengane mellom helse, utdanning, arbeid og levekår, og kan nytte dette i si tenesteutøving både overfor enkeltpersonar og grupper i samfunnet, for å bidra til god folkehelse og arbeidsinkludering

Krav til forkunnskapar

SYK110, SYK100, SYK130, SYK140, SYK120P

Tilrådde forkunnskapar

SYK200

Undervisnings- og læringsformer

• Førelesingar
• Arbeid i grupper
• Digitale ressursar
• Formidling frå studentar
• Ferdigheitstrening
• Simulering
• Rettleiing
• Medstudentrespons
• Eigenvurdering
• Oppgåveløysing
• Skriftleg arbeid
• Sjølvstudium

Obligatorisk læringsaktivitet

Følgande obligatoriske læringsaktivitetar må vere godkjende før kandidaten kan framstille seg til eksamen:

1. 80 % oppmøte og deltaking i studentaktive læringsformer, omfang kjem fram av timeplan.

2.Praksis: 160 timar knytt til pasient - eller brukarretta arbeid. For å få godkjent praksis må kandidaten ha nådd læringsutbytta og oppfylt kravet om 90% deltaking i praksis.

3.Prosjektoppgåve i gruppe:

a: Delta på rettleiing knytt til prosjektplan/oppgåve.

b: Godkjend prosjektskisse på inntil 1000 ord.

c: Framlegg av prosjekt.

Ved fråvær frå obligatoriske læringsaktivitetar gjeld dei same reglane som for gyldig fråvær i praksis, jfr forskrift om studium og eksamen ved HVL

Vurderingsform

Prosjektoppgåve, gruppe (eller individuelt), lengde 3500 ord +/- 10%.

Alle i gruppa skal bidra til eit felles produkt. Oppstår det tvil om en eksamenskandidat har bidratt tilstrekkeleg til å få utteljing for eit felles produkt skal dette dokumenterast frå alle gruppemedlemmane og emneansvarlig. Høgskolen kan gjere vedtak om at eksamenskandidaten skal regnast for ikkje å ha møtt under eksamen. Studenten må da levere en ny oppgåve til ny eksamen. Jf. forskrifta: § 11-17 Gruppeeksamen

Tid og stad for innlevering av prosjektoppgåva blir gitt på Studentweb.

Vurderingsuttrykk: Bestått/ ikkje bestått.

Ny eksamen:

Ved ikkje bestått vurdering er det høve til å levere forbetra versjon av oppgåva. Ein har då rett på ei rettleiing.

Hjelpemiddel ved eksamen

Alle hjelpemidler tilletne

Meir om hjelpemiddel

Fagleg overlapping

• SYKHB3042 - Sjukepleie og samfunnsvitenskapelige fag 2 - Reduksjon: 5,5 studiepoeng
• PRAKHB2105 - Praksisstudier i sjukeheim/institusjon, fokus på langtidssjuke - Reduksjon: 3 studiepoeng
• PRAKHB3105 - Praksisstudiar i sjukeheim/institusjon, fokus på langtidssjuke - Reduksjon: 3 studiepoeng
• PRAKHB4105 - Praksisstudiar i sjukeheim/institusjon, fokus på langtidssjuke - Reduksjon: 3 studiepoeng
• PRAKHB5105 - Praksisstudiar i sjukeheim/institusjon, fokus på langtidssjuke - Reduksjon: 3 studiepoeng
• PRAKHB6105 - Praksisstudier i sjukeheim/institusjon, fokus på langtidssjuke - Reduksjon: 3 studiepoeng