Opptakskrav og søknad
Opptakskrav
Du må ha ein av desse:
- Bestått VG1 og VG2 frå yrkesfag
- Fag eller sveinebrev
- 5 år relevant erfaring (realkompetanse)
Poenggrense ved forrige opptak
-
alle kvalifiserte
Om å søke opptak til HVL
Kva er forkurs?
Forkurs for ingeniørutdanning er perfekt for deg som har yrkesfagleg utdanning, men som manglar generell studiekompetanse. Forkurset er eit eittårig kurs som gir deg faga du treng for å søke opptak til ei ingeniørutdanning eller integrert masterstudium i teknologiske fag.
Faga som inngår i kurset er:
- Matematikk
- Fysikk
- Norsk
- Engelsk
- Teknologi og samfunn
For å lukkast i kurset krevst det sterk motivasjon og ein høg arbeidsinnsats gjennom heile semesteret.
Du kan søke støtte frå Lånekassen for å ta forkurset.
Har du generell studiekompetanse?
Då treng du berre matematikk og fysikk. Her har du fleire moglegheiter:
- Realfagskurs | Halvårleg fulltidsstudium (Bergen)
- Realfagskurs | deltid over eit år (Bergen, Haugesund)
- Realfagskurs | Nett- og samlingsbasert, deltid over eit år (Førde)
Kva blir du kvalifisert for?
Forkurset er eit eittårig kurs som gir deg moglegheita til å søke opptak til ei ingeniørutdanning eller integrert masterstudium i teknologiske fag.
Etter bestått forkurs vil du konkurrere i forkurskvota. På treårige ingeniørutdanningar er inntil 20 prosent av studieplassane reserverte for søkarar som har tatt alle faga i forkurset. Har du fritak i eitt eller to fag, vil du ikkje konkurrere i forkurskvota. Forkurset må vere godkjent.
Forkurset kvalifiserer ikkje for opptak til bioingeniørutdanning.
Korleis er undervisninga?
Det blir lagt opp til varierte undervisningsformer som inkluderer forelesningar, laboratoriearbeid, rekneøvingar og sjølvstudium. Undervisninga skjer normalt på dagtid i vekedagane. Alle fag har obligatoriske innleveringsoppgåver.
Kva er forskjellen på forkurs og realfagskurs?
Forkurset er for deg som ikkje har generell studiekompetanse, og inneheld derfor fleire fag enn realfagskurset: matematikk, fysikk, norsk, engelsk og teknologi og samfunn.
Realfagskurset er for deg som har generell studiekompetanse, men manglar fordjupning i matematikk og fysikk.
