Opptakskrav og søknad
Søknadskode i Samordna opptak
203469
Opptakskrav
Generell studiekompetanse, Matematikk R1 (eller matematikk S1 + S2) og eitt av følgjande krav:
- Matematikk R2
- Fysikk 1 + 2
- Kjemi 1 + 2
- Biologi 1 + 2
- Informasjonsteknologi 1 + 2
- Geofag 1 + 2
- Teknologi og forskningslære 1 + 2
Poenggrense ved forrige opptak
- Ordinær kvote Alle kvalifiserte
- Førstegangsvitnemål Alle kvalifiserte
Om å søke opptak til HVL
Kvifor studere geologi og geofare?
Geologi handlar om å forstå kva jordkloden består av, korleis den er blitt til og korleis den har utvikla seg. Studerer du geologi og geofare på HVL kan du møte framtidas utfordringar, og du kan velje mellom ulike jobbar innan naturfare, utvinning av naturressursar, bygging av infrastruktur og framtidige klimaendringar.
Vi brukar den storslåtte Vestlandsnaturen rundt campus Sogndal som vårt klasserom. Dette er ei praktisk retta geologiutdanning. Vi reiser på ekskursjonar og feltarbeid i nesten alle emne, noko som gir deg god innsikt i geologiske prosessar og metodar.
Geologi og geofare er den einaste bachelorutdanninga i Norge som har eit særleg fokus på geofare og geologiske problemstillingar i arealplanlegging. Tilbakemeldingar frå studentar i Studiebarometeret viser at vi ligg i landstoppen som beste bachelorprogram innan geofag, der vi har gått heilt til topps som beste studieprogram i 2022 og 2023. Våre studentar er svært tilfredse med undervisninga, rettleiinga frå dei faglege tilsette og med læringsmiljøet.
Gjennom studiet lærer du om:
- korleis jorda vår er bygd opp, og kva indre og ytre prosessar som skapar det landskapet vi ser i dag
- geofarar som skred, flaum, jordskjelv og tsunami, og korleis desse kan bli oppdaga og overvaka ved hjelp av moderne teknologi
- årsaker og omfang av naturlege og menneskeskapte klimaendringar
- korleis brear, snø og snøskred opptrer og utviklar seg
- geologiske verktøy som kart, GIS, GPS og geofysiske metodar
- geologiske ressursar som ulike mineral, lausmassar og vatn
- sentrale lovar og verkemiddel i norsk arealplanlegging, miljø- og naturforvaltning
Kva kan du jobbe med?
Med ei utdanning i geologi og geofare kan du jobbe med mange samfunnsaktuelle problemstillingar:
- Geologisk kartlegging av bergartar, lausmassar og brear. Til dømes i NGU, NVE, Statkraft og NGI
- Vurdering av samfunnssikkerheit knytta til skred, flom og klimatilpassing. Til dømes i NGU, NVE, Statens Vegvesen, SWECO, Skred AS, Rambøll, NGI, COWI, Norconsult, Multiconsult, Asplan Viak
- Utvinning og forvaltning av ressursar som olje, gass, metall, industrimineral og naturstein. Til dømes i Equinor, Titania
- Kartlegging av vassressursar og forurensing i sediment. Til dømes i Geovita, Sweco, Cowi og hjå Statsforvalteren
- Grunnundersøkelsar knytta til infrastrukturprosjekt (bygg, veg, tunnel, jernbane, vind- og vatnkraft). Til dømes hjå Statens Vegvesen, fylkeskommunane, Bane Nor, Contexo, Mesta og Veidekke.
- Areal- og samfunnsplanlegging. Til dømes hjå Statsforvalteren, NVE, fylkeskommunane og kommunane
Lønn: Kva tener ein geolog?
Ein geolog tener i gjennomsnitt 1 208 400 kr i året, i følgje utdanning.no.
Korleis er undervisninga?
Vi brukar aktive undervisningsformer i klasserom og på lab, i tillegg til sjølvstudium. Vi reiser på mange ekskursjonar og feltarbeid, der du lærer om geologi og geofarar i praksis, inkludert relevante metodar. Du lærer også gjennom forelesingar, øvingar på geologilaben og oppgåveløysing på klasserom.
I ein del emne har vi blokkundervisning, som betyr at vi jobbar med eit emne om gongen og avsluttar med eksamen, før vi begynner på neste emne.
Lurer du på noko om studentlivet?
Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet.
Utveksling
Grip sjansen til å oppleve verda medan du studerer! Det er tilrettelagt for studieopphald i utlandet i 5. semester.
Kor kan du reise?
Australia | James Cook University
Canada | Trent University
Nederland | Wageningen University & Research (WUR)
Nederland | Van Hall Larenstein University of Applied Sciences (VHL)
Polen | Wroclaw University of Environmental and Life Sciences (WUELS)
Spania | University of Oviedo
USA | California State University Monterey Bay (CSUMB)
USA | Western Washington University
Østerrike | University of Natural Resources and Life Sciences, Vienna (BOKU)
