Opptakskrav og søknad
Du søker opptak på eitt og eitt kurs. Trykk knappen «Søk studieplass» eller gå inn via Søknadsweb. Velg rad for «Vidareutdanning og halvtårsstudium». Etterpå velger du frå lista «Videreutdanning vår 2025» og «Videreutdanning haust 2025». Trykk «Legg til» før du sender søknaden.
Du kan velge om du vil gå opp til eksamen og få studiepoeng for kurset, eller få tilsendt kursbevis om du ikkje tar eksamen. Om du ønsker kursbevis må du har fått godkjent obligatorisk læringsaktivitet.
Opptakskrav
Generell studiekompetanse eller realkompetanse.
HYD802 har krav om fullført HYD801.
Om å søke opptak til HVL
Kvifor ta kurs i hydrogenteknologi?
Vi følger opp regjeringa sitt mål om å bli eit berekraftig og hydrogenbasert samfunn. Ei av dei mest aktuelle løysingane er å bruke hydrogen som energiberar for fornybare energikjelder. Denne kurspakka skal gi deltakarane ei innføring i produksjon, distribusjon og bruk av hydrogen som energiberar.
Kurspakke
HVL har utvikla ein kurspakke som består av tre kurs. Kvart kurs går på deltid over ca. 3 månadar. Du søker og får opptak til eitt og eitt kurs, men det er tilrådde bakgrunnskunnskapar/opptakskrav for kvart kurs. Vi tilbyr eitt kurs med eit meir generelt fokus, og to kurs som går meir teknisk i djupna.
Informasjon om kurstilbodet
Kurset passar for deg som ønsker generell kunnskap om hydrogenteknologi, for eksempel om du er leiar, politikar, økonom, eller tilsett i administrativ stilling. Du treng ikkje å ha teknisk eller realfagleg bakgrunn.
Ved opptak våren 2025 vert søkarar med maritim bakgrunn prioritert, men alle er velkomen og oppmodes til å søke. Det er god kapasitet på kurset.
I kurset blir det gjort reie for produksjon, distribusjon og bruk av hydrogen, til dømes prosessane i dampreformering og PEM elektrolyse/brenselcelle. I tillegg blir det satt fokus på sikkerheit og korleis sosial aksept påverkar utviklinga av teknologien. Emne vil dekke bruk av hydrogen både i landbasert, maritim og industriell sektor.
Målet med kurset er å gje deg som deltakar eit helheitleg bilete av kvar teknologien er i dag og kva som er vegen vidare.
Les meir i emneplan for Innføring i hydrogenteknologi
Praktisk informasjon
- Studiepoeng: 5
- Kursavgift: gratis
Digitale samlingar
Kurset blir undervist digitalt torsdager kl. 15.15-18.00. Det blir om lag 8 digitale samlingar. Samlingsdatoer kommer.
Oppstart 13. februar 2025.
Søknadsfrist: 10. januar 2025
Vi tek atterhald om tilstrekkeleg tal søkarar for gjennomføring av kurset.
Dette emnet passar for deg som har teknisk eller realfagleg bakgrunn, og jobbar i ei verksemd som er involvert i hydrogenteknologi.
På kurset lærer du om hydrogen sine eigenskapar, og korleis hydrogen kan både produserast, lagrast og brukast. Emnet gir ein enkel innføring i hydrogensikkerheit og regelverk knytt til bruk av hydrogen. Emnet vil dekke bruk av hydrogen både i landbasert, maritim og industriell sektor.
Manglar du teknisk eller realfagleg bakgrunn oppfordrar vi deg sterkt til å søke «Innføring i hydrogenteknologi» (HYD800).
Les meir i emneplan for HYD801
Praktisk informasjon
- 5 studiepoeng
- Kursavgift: 5900 NOK
Digitale samlingar
Kurset vert undervist digitalt mandagar kl. 15.15-18.00. Samlingsdatoar kjem.
Det vert og lagt opp til ein fysisk, obligatorisk dags-samling på campus Bergen. Vi kjem tilbake med meir informasjon.
Oppstart 10. februar 2024.
Søknadsfrist: 10. januar 2025
Vi tek atterhald om tilstrekkeleg tal søkarar for gjennomføring av kurset.
Planlagt oppstart haust 2025
På kurset lærer du meir om lagring i form av ulike hydrogenberarar, transport av hydrogen og konkrete bruksområde for hydrogen.
Du vil og lære om bruk av hydrogen i brenselceller. Emnet gir ei grundig innføring i hydrogensikkerheit og regelverk knytt til bruk av hydrogen.
Dette kurset rettar seg mot deg som har teknisk eller realfagleg bakgrunn, og jobbar i ei verksemd som er involvert i hydrogenteknologi.
Det er eit krav at du har gjennomført Hydrogenteknologi I (HYD801) for å søke opptak til Hydrogenteknologi II (HYD802).
Praktisk informasjon
- 5 studiepoeng
- Kursavgift: Kjem
Digitale samlinger
Kurset blir undervist digitalt ein vekedag pr veke, kl. 15.15-18.00. Det blir om lag 8 digitale samlingar. Samlingsdatoar og meir informasjon kjem.
Søknadsfrist: Kjem
Vi tek atterhald om tilstrekkeleg antall påmeldte for gjennomføring av kurset.
Hydrogenkursa kan enkelte gonger bli køyrt med ekstra fordjupning i spesifikke tema. Dette vil i så fall bli annonsert her på informasjonssidene til etter- og vidareutdanningskursa i hydrogen, men vil ikkje påverke innhaldet i eller omfanget av kurset i stor grad.
Målgruppe
Dei ulike emna har ulike profilar, sjå informasjon for kven dei ulike emna passar for under dei spesifikke emneskildringane.
