Opptakskrav og søknad
Kvifor studere laptop som instrument og produksjonsverktøy?
Studiet er for deg som ønskjer å integrere moderne teknologi i undervisninga eller i musikkproduksjonen din. Styrk din kompetanse i å lære bort musikk på ein engasjerande og innovativ måte.
Kva lærer du?
Emnet gir grundig opplæring i bruk av programvara Ableton Live på egen laptop, for å realisere kompetansemål i musikk for grunnskule, vidaregåande skule eller kulturskule.
Aktivitetane fokuserer på å lage musikk ved å kombinere digitale verktøy med akustiske instrument. Samspelet mellom det analoge og digitale blir lagt vekt på, og du knytter din instrumentkompetanse til Ableton Live.
Undervisninga fokuserer på teknisk innsikt i Ableton, samtidig som du skal skape fem-seks originale komposisjonar av ulike slag gjennom semesteret.
Målgruppe
Studiet er spesielt relevant for tilsette i grunnskule, vidaregåande eller kulturskule, som ønskjer å videreutvikla musikkundervisninga si.
Les emneplanene her:
Laptop som prosjektstudio (LPT801)
Laptop som instrument (LPT802)
Undervisningsform
Dette er individuelt sjølvstudium basert på faginnhald publisert som tekst og video, praktisk arbeid på eigen laptop, deltaking i diskusjonsforum, gruppearbeid, 1 time felles undervisning per veke i zoom/teams.
Gjennom semesteret skal du levere 12 oppgåver i form av klingande musikalske resultat som lydfil i mp3-format, refleksjonstekst samt skjermbilete som dokumenterer arbeidsprosessen på eiga maskin. I refleksjonstekstane vert det vektlagt at du diskuterer eigne musikalske val, grunngjeving av desse, samt refleksjon kring eigen læringsprosess.
Du skal delta aktivt i studiet sitt eige diskusjonsforum ved å poste/svare på spørsmål og å kommentere medstudentar sine arbeid på ein konstruktiv måte.
Tilrådd forkunnskap
Det er ingen krav til forkunnskap, men studenten må ha eigen laptop med Abelton Live versjon 11 eller 12. Lydkort, mikrofon og headset, samt keyboard eller ein annan kontrollar, til dømes Launchpad.
Pensum
Du får meir informasjon om pensum ved studiestart.
Eksamensform
Mappevurdering.
Vurderingsmappa består av:
- 3 sjølvvalde innleveringar valt blant dei 8 fyrste
- den siste innleveringa - prosjektoppgåva - som er av større omfang, levert som lyd-/ og eller videofiler.
- refleksjonsnotat, omfang 1000 ord +-10%
Arbeida kan vere revidert etter tilbakemeldinga gjeve ved levering i læringsmappa. Dei tre delene vert vekta med ein tredjedel kvar.
Karakterskala: Bestått/Ikkje bestått.
