Norsk 1 | 1-7

Kurset er eit nett- og samlingsbasert deltidsstudium. Mykje av kunnskaps- og informasjonsutvekslinga vil skje i studiestøttesystemet Canvas, og ein føreset at studentane lærer å bruke denne læringsplattforma aktivt. Emnet har dessutan tre todagarssamlingar. Mellom og etter samlingane skal studentane arbeide individuelt og i studiegrupper.

Veke 36: 3.9 og 4.9
Veke 41: 8.10 og 9.10
Veke 46: 12.11 og 13.11
Veke 3: 14.1 og 15.1
Veke 8: 18.2 og 19.2
Veke 14: 01.04 og 02.4

Studiet er organisert som ein kombinasjon av samlingar, sjølvstudium og nettbasert arbeid i grupper. Ein legg stor vekt på studentaktive læringsformer, der studenten er både mottakar, aktiv deltakar, rettleiar for medstudentar og observatør. Studiet stiller krav til den enkelte student om sjølvstendig arbeid og aktiv tilnærming til problemstillingar, i tillegg til at ein aktivt søkjer kunnskapsutvikling og samarbeider med andre studentar. Det er vidare ein føresetnad at studentane som følgjer studiet, deler kunnskapen og ferdigheitene dei tileignar seg, med lærarar i kollegiet på eigen skule.

Du får informasjon om pensum ved studiestart, vi rådar deg til å starte med grunnlitteraturen før det:

• Bjerke, C. og Nygård, M. (red.) (2021). Norskboka 2. Universitetsforlaget.
• Breivega & Selås (red.) (2024), (2.utg). Skriveboka. Innføring i skriveopplæring. Det Norske Samlaget.
• Nygård, M. og Bjerke, C. (red.) (2021) Norskboka 1. Universitetsforlaget.
• Seierstad Stokke, R. og Seip Tønnessen, E. (2022). Møter med barnelitteratur - introduksjon for lærere. Universitetsforlaget.

Haust:

7-dagars heimeeksamen. Eksamen vil ha to oppgåver, der den eine skal skrivast på bokmål og den andre på nynorsk. Begge tel 50 prosent og begge må vere bestått for å få godkjent eksamen.

Vår:

Mappevurdering: Skrivemappe med to individuelle tekstar, ein på bokmål og ein på nynorsk.