Opptakskrav og søknad
Opptakskrav
- Bachelorgrad / grunnutdanning i ein relevant profesjon
- To år yrkespraksis etter fullført grunnutdanning
Utdanning og praksis må vere relevant for studieretninga du søkjer opptak til. Døme på relevante profesjonsområde:
- Helse- og velferdsleiing: Sosialt arbeid, barnevern, sjukepleie, fysioterapi, vernepleie
- Utdanningsleiing: lærar, barnehagelærar
Andre utdanningar på bachelornivå innan fagområda helse, velferd eller utdanning kan vurderast.
Søknadskoder
Helse- og velferdsleiing: 3026 Førde, 3027 Haugesund
Utdanningsleiing: 3620 Førde, 3621 Haugesund
Poenggrense ved forrige opptak
-
2023: Haugesund
- Helse og velferd: 35,01
- Utdanning: Alle kvalifiserte
2023: Førde
- Helse og velferd: 31,80
- Utdanning : Alle kvalifiserte
2024: Bergen
- Helse- og velferd: 37,89
- Utdanning: Alle kvalifiserte
Om å søke opptak til HVL
Kvifor studere organisasjon og leiing?
Du får spisskompetanse i organisasjon og leiing spesialisert til helse- og velferdssektoren eller utdanningssektoren. Du vel retning ut frå din utdanningsbakgrunn. Gjennom studiet tileignar du deg både generelle og sektorspesifikke kunnskapar som gjer deg kvalifisert til leiarstillingar innan offentleg forvaltning.
I studiet lærer du:
- å forstå skiftande og komplekse utfordringar slik dei framstår i gjennomorganiserte samfunn
- korleis internasjonale og nasjonale, politiske føringar påverkar helse- og velferdsinstitusjonar
- korleis endringar i offentleg sektor blir sett i verk gjennom reformer, og korleis dette skapar særskilde kontekstar for utøving av leiing
- å bruke vitskaplege metodar på bruksretta problemstillingar innan sektoren
I masteroppgåva di tar du utgangspunkt i ei problemstilling knytt til eit arbeidsområde du har erfaring med. Du får individuell rettleiing i arbeidet med oppgåva.
Utdanninga veksler studiestad annakvart år. I 2025 vil det vere opptak i Haugesund og Førde. I 2026 kan du studere i Bergen.
Vel mellom to spesialiseringar
Spesialisering helse- og velferdsleiing
Du har emne som styring, omstilling og leiing i offentlege organisasjonar, leiing av forbetringsarbeid i grunneiningar, helse- og velferdspolitikk, jus, økonomiforvaltning, forskingsstrategiar og metode.
Spesialisering utdanningsleiing
Du har emne som styring, omstilling og leiing i offentlege organisasjonar, leiing av pedagogisk verksemd, utdanningspolitikk, jus, økonomiforvaltning, forskingsstrategiar og metode.
Kva kan du jobbe med?
- Leiarstillingar innan helse- og velferdssektoren eller utdanningssektoren
- Administrative stillingar som krev kunnskap om handtering av saker knytt til institusjonar innan feltet, og/eller offentleg kontroll-, tilsyns- og forvaltningsansvar for slike institusjonar
- Sjølvstendige stillingar av typen prosjektleiing, utgreiing, planlegging, utviklingsarbeid og liknande innan helse- og velferdssektoren eller utdanningssektoren
Korleis er undervisninga?
Vi har forelesingar, casedrøftingar, øvingar, prosjektseminar og skriftlege oppgåver.
Studiet er samlingsbasert, med rundt fem samlingar á to dagar i kvart semester.
Dei to første åra er samlingane på fredag ettermiddag og laurdag (ei samling inkluderer torsdag). Tredje år er samlingane torsdag og fredag (ei samling inkluderer onsdag). Siste året er det ein dag per semester.
Utveksling
Som student kan du reise på utveksling, viss du ønskjer det.
Kor kan du reise?
