Utdanning

Programmet gir kompetanse for utvikling og styring av fleire ulike automatiserte prosessar som det er behov for innan havvind.

Utdanninga gir tverrfagleg ingeniørkompetanse, kombinert med viktige element for havvind-verdikjeda, som berekraft, prosjektutvikling og sirkulærøkonomi.

Gjennom elkraftutdanninga ved HVL kan ein fordjupe seg i energiproduksjon i vindkraftverk og få kompetanse innan prosjektering av ulike elektriske system.

Energiteknologistudiet gir tverrfagleg ingeniørkompetanse der ein mellom anna får kunnskapar om vindkraft og prosjektering av kostnadseffektive energiløysingar.

Bachelorutdanninga innan fornybar energi gir tverrfagleg kompetanse innan energiteknologi, energisystem, energiøkonomi og miljøplanlegging.

Havteknologistudiet gir brei teknisk ingeniørkompetanse som også er etterspurd av havvindnæringa

BAMM er ei overgangsordning frå maritim fagskule der ein får kompetanse innan leiing av maritime operasjonar og organisasjonar.

Mariningeniøren kan gjere nødvendige utrekningar for å designe flytande havvindkonstruksjonar og tilhøyrande forankringssystem.

Maskiningeniørutdanninga gir grunnleggande kompetanse som er relevant for design, produksjon og vedlikehald av ulike komponentar i ein havvindturbin.

Maritime operasjonar er sentrale for ein havvindutbygging. Nautikkutdanninga gjer deg i stand til å jobbe som dekksoffiser i alle typar skip, og til å ta del i utviklinga.

Økonomi og administrasjon er ei brei utdanning som gir kompetanse innan leiing, strategi og organisasjonsutvikling, som det er behov for hos havvindutviklarane.

Masterutdanninga innan maritime operasjonar gir solid kompetanse innan sikker planlegging og leiing av komplekse maritime operasjonar for havvind.

Sivilingeniørutdanninga i berekraftig energiteknologi gir deg relevant kompetanse til å jobbe med utvikling av havvindprosjekt og -teknologi.

Gjennom denne utdanninga kan du spesialisere deg til å arbeide med smarte system for energiproduksjon, smartgrid innan elkraft, samt digitalisering i maritim industri.

Utdanninga gir brei kunnskap innan innovasjon, leiing og forretningsutvikling, og gir eit godt utgangspunkt for å jobbe med prosjektleiing innan havvindnæringa.

Havvindutviklarar treng siviløkonomar som kan analysere store mengder data i kartlegging av moglegheiter og innan forretningsutvikling.

Med denne masterutdanninga kan du få kompetanse i å planlegge og leie innovasjonsprosessar og utvikle nye forretningsområde i havvindnæringa.

Gjennom ph.d.-programmet i Nautiske operasjoner kan du forske og utvikle kunnskap som det er behov for innan havvindnæringa, knytt til sikkerheit, regelverk og maritime operasjonar.

Gjennom ph.d.-programmet i Datateknologi kan du forske og utvikle kunnskap som det er behov for innan havvindnæringa, knytt til programvareutvikling, sensornettverk og modellering.

Gjennom ph.d.-programmet RESINNREG kan du forske og utvikle kunnskap som det er behov for innan havvindnæringa, knytt til grøn innovasjon, industriell innovasjon og energisystemanalyse.