Klage på formelle feil

Dersom klagen blir tatt til følgje etter handsaming av Eining for eksamen, skal feilen rettast. Kva som blir utfallet, avheng av kva som må til for å rette opp feilen.

Karakteren din frå eksamen blir i alle tilfelle oppheva. 

• Dersom feilen kan rettast ved ny sensur, blir oppgåva di sendt til ny sensur. Den opphavelege sensuren blir oppheva. Dersom du allereie har klaga på karakteren blir klagesensuren òg oppheva. Den nye karakteren blir ståande uavhengig av om den er betre, lik eller dårlegare enn den opphavelege karakteren. Det er mogeleg å klage på denne karakteren, slik som på ordinær karakter. 
  
  
• Dersom feilen ikkje kan rettast med ny sensur, skal det arrangerast ny eksamen. Alle som har tatt eksamen der det blir fatta vedtak om formell feil vil få tilbod om å ta ny eksamen, ikkje berre dei som har klaga. For dei som har klaga på formell feil og får medhald i dette, vil resultatet frå eksamen bli oppheva og eksamen vil ikkje telje som eit forsøk. Andre som også meiner dei er påverka av den formelle feilen, og ynskjer å ta ny eksamen, må gi beskjed om dette til eksamen@hvl.no. Dei vil få moglegheit til å ta ny eksamen, og det opprinnelege sensurvedtaket blir oppheva på same måte som for dei som har klaga på formell feil.
  
  
• Dersom det ligg føre ein formell feil som kan ha gitt ein eller fleire studentar ein fordel ved eksamen kan høgskulen bestemme at alle studentane må ta ny eksamen og resultatet frå den opprinnelege eksamen blir oppheva.

Utfallet av medhald er aldri at sensor gir ei mildare vurdering av eksamen på grunn av formelle feil. Sensor kan berre vurdere den eksamensoppgåva som faktisk ligg føre og ikkje kva du kunne ha prestert om feilen ikkje hadde skjedd. 

Dersom klagen ikkje blir tatt til følge av Eining for eksamen, blir saka sendt til nemnd for studentsaker ved HVL som gjer endeleg vedtak i saka. 

Dersom nemnda gir deg medhald i at det er begått formell feil frå HVL si side, skal sensurvedtaket opphevast og feilen rettast som beskrive i fana over.