Informasjon til praksisfeltet - vidaregåande skule
På denne sida finn du informasjon som er relevant for vidaregåande skular som tek imot studentar frå lærarutdanningane.
Høgskulen på Vestlandet og praksisskulane er likeverdige samarbeidspartnarar som har eit felles ansvar for innhald, kvalitet, vurdering og for progresjonen i praksisopplæringa.
Viktig informasjon om praksis for dei ulike utdanningane og som alle partar må kjenne til finn du på nettsida praksis for lærarutdanning, kultur og idrett.
Rettleiarutdanning for praksislærarar
Høgskulen tilbyr nett- og arbeidsplassbasert vidareutdanning i rettleiing, felles for praksislærarar ved campusane på Stord, i Sogndal og Bergen. Vidareutdanninga består av to emne på 15 studiepoeng kvar, eit grunnemne (emne 1 søknadsfrist 15.april) og eit påbyggingsemne (emne 2 søknadsfrist 15.november.) Les meir om profesjonsretta rettleiarutdanning på denne sida.
Du kan også lese meir om HVL sitt tilbod om vidareutdanning innan skule og utdanning.
Informasjon om økonomi på PPU
Godtgjersle til praksislærar
Praksislærar får godtgjersle for meirarbeidet i forbindelse med praksis - rettleiing, vurdering og møte. Timesatsen er på kroner 405,-. Følgjer fleire praksislærarar opp same student, skal dei dele rettleiingstimane mellom seg.
|
Tal studentar |
Timar til rettleiing, vurdering og møte, 30 dagar praksis |
Timar til rettleiing, vurdering og møte, 20 dagar praksis |
|
1 student |
40 timar |
30 timar |
|
2 studentar |
50 timar |
40 timar |
Godtgjersle knytt til administrativt arbeid ved praksisskular som har avtale med HVL
Praksisskulen skal peika ut ein person som vert praksisansvarleg ved skulen. For å dekke løn for arbeid for praksisansvarleg får praksisskulen årleg overført kr 1000 som grunnbeløp og deretter kr 500 pr student.
Aktuelle arbeidsoppgåver for praksislærar og praksisansvarleg kjem fram under ansvarsforhold på nettsida for praksis.
Refusjon
Skular som ikkje har avtale med HVL:
- HVL sender lønnskontrakt direkte til praksislærar.
Skular som har avtale om praksisopplæring med HVL:
- Praksisansvarleg får tilsendt refusjonsskjema når praksisperioden er over.
- Skjemaet skal fyllast ut og sendast i retur til praksiskoordinator for godkjenning før skulen sender faktura til HVL.
- Faktura med godkjent beløp skal merkast med referanse/bestillarkode 485011 og sendast til HVL.
- Godkjent refusjonsskjema skal nyttast som bilag til faktura.
- Sjå detaljert fakturainformasjon her.
Kontaktpersonar ved Høgskulen på Vestlandet
Kontaktpersonar for PPU:
Bergen: Frøy Loe
Stord: Katharina Reksten Tufteland
Sogndal: Marie Hermansen