Kunnskapsbasert praksis | nettstudium

Master

Vil du bidra til å styrke kvaliteten og forbetre praksisen i helse- og omsorgstenestene? Med master i kunnskapsbasert praksis kan du vere med på å sikre at tenestene er verknadsfulle, trygge og involverer brukarane. 

Nettstudium

Søk studieplass Opnast i ny fane

Opptakskrav og søknad

Opptakskrav

  • Bachelorgrad innan helse- og sosialfag.

Kandidatar med annan relevant utdanning (f.eks. bibliotek- og informasjonsfag) kan også søke, og vil bli vurdert individuelt.

Søknadskode

3069

Slik søker du

    • Logg inn i SøknadsWeb.
    • Oppdater "Min profil" og trykk "Neste".
    • Vel "Helse- og sosialvitenskap".
    • Trykk på "Søk" under "Master/videreutdanning i helse- og sosialfag høst 2025".
    • Vel studiet du vil søke på fra lista (se søknadskode over).
    • Trykk på "Legg til" og "Send inn søknad".
    • Last opp dokumentasjon på at du dekker opptakskravet.
    • Trykk "Neste" for å gjøre ferdig søknaden.

Viktig informasjon om søknad, frister og dokumentasjon

Rangering og poeng

Rangering blir gjort på grunnlag av karakterar, og det blir gitt tilleggspoeng for høgare utdanning.
Det blir ikkje gitt poeng for praksis.

Informasjon om utrekning av poeng

Poenggrense forrige opptak

Alle kvalifiserte fikk plass.

Om å søke opptak til HVL

Kvifor studere master i kunnskapsbasert praksis?

Det er forventa at helse- og omsorgspersonell tek faglege avgjerder basert på brukarens behov, eigen erfaring og systematisk innhenta forskingsbasert kunnskap.

Kunnskapsbasert praksis handlar om å kombinere klinisk erfaring og ekspertise med beste tilgjengelege kunnskap frå forsking. Brukaren sjølv, og dei som står brukaren nær, skal også få medverke i avgjerder.

Ved å studere master i kunnskapsbasert praksis får du nødvendig kompetanse for å jobbe med kvalitetsbetring, implementering og endringsprosessar i praksis. Å kunne bruke prinsippa for kunnskapsbasert praksis er avgjerande for å lukkast med kvalitetsbetring. 

Kva lærer du?

Ved å studere master i kunnskapsbasert praksis vil du lære å:

  • Reflektere over praksis.
  • Stille presise spørsmål.
  • Søke etter og vurdere kvaliteten på forskingsbasert kunnskap.
  • Nytte forskingsbasert kunnskap.
  • Evaluere endringar i praksis.

00

Praktisk informasjon

Korleis er undervisninga?

Emnet kombinerer synkron digital undervisning der læring skjer gjennom førelesningar, webinar, diskusjonar, munnlege framlegg, oppgåveløysing og skriftlege innleveringar og asynkrone læringsressursar som videoførelesingar, instruksjonsvideoar, interaktive element og sjølvester.

Andre arbeidsformer er gruppearbeid, rettleiing i skriftleg arbeid og framlegg, og sjølvstudium.

Det vil være ein til to digitale synkrone samlingar i semesteret.

Canvas vert brukt som studiestøttesystem og studentane deltar aktivt i synkrone og asynkrone aktivitetar som digitale økter, gruppe- og individuelt arbeid.

I alle emne er det obligatoriske læringsaktivitetar som studentane må ha godkjent før dei kan framstille seg til eksamen i emne.

Det er rekna med om lag 20 timar med studiearbeid per veke i studieåret (inkludert sjølvstudium).

Samlingdatoar

25.–28. august: Du kan velje om du vil delta digitalt eller fysisk på campus Bergen. Oppstart klokka 10:15, 25. august. Samlinga avsluttast 28. august klokka 14:00.

27.–30. oktober: Digital samling.

Vurderingsformer

Vi bruker ulike vurderingsformer, som til dømes skriftlege oppgåver og heimeeksamen.

Kva kostar det å studere?

Som student må du betale 850 kroner kvart semester. Les meir på våre sider om semesterregistrering. Denne avgifta dekker ikkje kostnadar til for eksempel pensumbøker og anna utstyr du treng, så det vil komme i tillegg.

Intensivsjukepleiar Ken Åge Kårstad beskriv seg sjølv som ein nysgjerrig person. Eit ønske om å forstå og vurdere grunnlaget for kunnskap som helsetenesta er bygd på, førte han til master i kunnskapsbasert praksis ved HVL.

Les Ken Åge si historie

Utveksling

Om du er interessert i studieopphald i utlandet, ta kontakt med fagseksjonsleiar Nina Rydland Olsen. 

Studere meir?

Fullført mastergrad kvalifiserer deg for opptak på ph.d.-studiar.