Opptakskrav og søknad
Opptakskrav
Fullført og bestått toårig maritim teknisk fagskule, med fordjuping dekksoffiser eller maskinoffiser, på leiingsnivå.
Fritak: Søkarar med oppnådd vitnemål etter 1. juli 2013 får fritak for 60 studiepoeng, som utgjer første studieår. Søkarar med vitnemål frå før 1. juli 2013 vil bli vurdert individuelt, og må få fritak for 60 studiepoeng (som utgjer første studieår) for å vere kvalifisert.
Kvote: 30% av studieplassane er reservert for søkarar som har fullført fagskole våren 2022 eller 2023.
Om å søke opptak til HVL
Kvifor studere Maritime Management?
Maritime Management er ei skreddarsydd overgangsordning frå maritim fagskule til bachelorgrad som gir deg fleire moglegheiter i arbeidslivet. Utdanninga gir deg brei og oppdatert fagkunnskap som gjer deg attraktiv som sjøoffiser om bord i alle typar skip og i den landbaserte maritime næringa. Studieprogrammet går på deltid over fire år, og er tilpassa deg som er i jobb.
Gjennom studiet lærer du om:
- informasjonsteknologi i den maritime sektoren
- økonomi og logistikk
- organisasjon og leiing
- risiko- og kvalitetsleiing
- prosjektleiing
- forskingsmetode og akademisk skriving
Studiet er utarbeidd på bakgrunn av innspel frå maritimt næringsliv frå heile landet og tidlegare fagskuleutdanna, med særleg vekt på kva kompetanse den maritime næringa treng.
Du kan studerer Maritime Management ved campus Haugesund.
Kva kan du jobbe med?
Bachelor i Maritime Management, gjerne kombinert med sjøoffisersertifikat, gjer deg attraktiv som sjøoffiser om bord i alle typar skip lokalt, nasjonalt og internasjonalt. I tillegg gir utdanninga deg oppdatert fagkunnskap som er etterspurd i den landbaserte næringa. Den formelle bachelorgraden vil saman med di operative erfaring gjere deg attraktiv både til sjøs og til lands. Etter fullført bachelor har du moglegheit til å ta vidareutdanning på universitet og høgskular.
Korleis er undervisninga?
Studiet er heildigitalt med nettbasert undervisning fordelt utover heile semesteret. Du vil få støtte og oppfølging frå faglærar undervegs.
Studiet er lagt opp slik at det skal vere mogleg å kombinere med jobb. Undervisninga blir tatt opp slik at du kan sjå den i ettertid om du ikkje har mogelegheit til å delta når den føregår.
Undervisninga vekslar mellom forelesingar, workshops, praktiske øvingar, ulike former for individuelt arbeid og gruppearbeid og rettleiing. Mellom undervisninga og møtepunkta er det lagt opp til sjølvstudium.
Lurer du på noko om studentlivet?
Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet.
Vidare studium etter fullført utdanning
Etter fullført bachelor i maritime management kan du søke deg inn på følgande masterutdanningar på HVL:
Du kan også studere vidare på ulike mastergradsstudium nasjonalt eller internasjonalt.
Utveksling
Grip sjansen til å oppleve verda medan du studerer! Det er tilrettelagt for studieopphald i utlandet i haustsemesteret på fjerde året.
