Opptakskrav og søknad
Søknadskode i Samordna opptak
203034
Opptakskrav
Generell studiekompetanse. I tillegg må du ha matematikk R1+R2 og fysikk 1.
Bestått forkurs oppfyller kvalifikasjonskrava. Bestått teknisk fagskole frå tidlegare strukturar oppfyller kvalifikasjonskrava. Søkarar med bestått teknisk fagskule etter lov om fagskular av 2003 må ta matematikk R1+R2 og fysikk 1 i tillegg.
Poenggrense ved forrige opptak
- Ordinær kvote Alle kvalifiserte
- Førstegangsvitnemål Alle kvalifiserte
Om å søke opptak til HVL
Kvifor studere maskiningeniør?
Maskiningeniøren designar, produserer, driftar og vedlikeheld produkt og produksjonsutstyr. Ein maskiningeniør utviklar også arbeidsmetodar for å produsere og styre produksjonsprosessar. Arbeidet går ofte føre seg i team saman med andre ingeniørar og yrkesgrupper.
På maskiningeniørstudiet i Haugesund får du eit godt grunnlag til å jobbe med eksisterande teknologi og bruke den til å utvikle nye produkt og løysingar.
Utdanninga i maskiningeniør er bygd opp i nært samarbeid med industrien i Haugesundsregionen. Haugesund har store verksemder som treng maskiningeniørar.
Du kan utdanne deg til maskiningeniør ved HVL i både Bergen og i Haugesund.
Kva kan du jobbe med?
En maskiningeniør kan arbeide i industribedrifter, som for eksempel verkstadsindustrien, prosessindustrien, skipsindustrien, eller olje- og gassindustrien. Du kan óg jobbe i selskap som jobbar med fornybar energi. Mange jobbar også i byggebransjen, i tekniske og kommunale etatar, hos kontrollmyndigheiter, eller i rådgjevande ingeniørfirma.
Maskiningeniørar jobber også hos produsentar og leverandørar av produkt og produksjonsutstyr. Ein del maskiningeniørar startar óg eiga verksemd.
Lønn: Kva tener ein maskiningeniør?
Ein maskiningeniør tener i gjennomsnitt 750 480 kroner i året. Les meir om lønn på utdanning.no.
Korleis er undervisninga?
Arbeids- og undervisningsformene varierer noko frå fag til fag. Det er førelesningar, gruppearbeid, praktisk arbeid i laboratorium, og i tillegg sjølvstudium. Du får ta i bruk ulike dataverktøy til utrekning, teikning og styring av maskiner og prosessar.
Siste semester skriv du bacheloroppgåve. Prosjektet omfattar ei konkret ingeniørfagleg arbeidsoppgåve, ofte i samarbeid med næringslivet.
Dekker du ikkje opptakskravet?
Viss du har generell studiekompetanse, men manglar matte og fysikk så kan du ta tresemesterordninga (TRES). Du tar matte på sommaren, og fysikk på hausten medan du startar på ingeniørutdanninga. Les meir om TRES.
TRES tar du på tre år, så du mistar ikkje noko tid!
Studentjobb i Haugesund
Gjennom prosjektet studentjobb kan du skaffe deg relevant deltidsjobb mens du studerar.
Lurer du på noko om studentlivet?
Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet.
Utveksling
Grip sjansen til å oppleve verda medan du studerer! Utdanninga legg til rette for at du kan ta eit semester ved eit universitet eller ein høgskule i utlandet om du ønsker det.
Kor kan du reise?
Australia | Queensland University of Technology
Australia | Victoria University
Australia | University of the Sunshine Coast (UniSC)
Australia | James Cook University
Australia | Griffith University
Finland | Seinajoki University of Applied Sciences (Seinajoki UAS)
Finland | South-Eastern Finland University of Applied Sciences - XAMK
Frankrike | University of Lille Nord de France
New Zealand | Auckland University of Technology (AUT)
Polen | Cracow University of Technology (CUT)
Sør-Korea | Myongji University, Seoul
Tyskland | University of Applied Sciences Emden/Leer
