Økonomi og administrasjon | Bergen

Bachelor

Økonomi og administrasjon er ei allsidig utdanning som gir deg mange spennande jobbmoglegheiter innan både privat næringsliv og offentleg forvaltning.

Bergen

Studiepoeng: 180
Varighet: 3 år
Omfang: Heiltid
Studieplan: Studieplan 2024/2025
Søknadsfrist: 15. april

Søk studieplass

Søknadskode i Samordna opptak

203369

Opptakskrav

Generell studiekompetanse

Poenggrense ved forrige opptak

Ordinær kvote 54,3
Førstegangsvitnemål 50,9

Om å søke opptak til HVL

Kvifor studere økonomi og administrasjon?

Økonomi er viktig både for kvar enkelt og for samfunnet, men økonomi og administrasjon handlar om mykje meir enn berre tal. I tillegg til typiske økonomifag, har du fag som marknadsføring, leiing, strategi og samfunnsansvar.

Ved å ta ein bachelor i økonomi og administrasjon kan du bidra til verdiskaping for verksemder og samfunn.

Det er fem viktige fagområde i utdanninga:

bedriftsøkonomisk analyse
administrative fag
samfunnsøkonomiske fag
metodefag
etikk, samfunnsansvar og berekraft

Dette studiet går ved HVL Bergen, men du kan også studere økonomi og administrasjon ved HVL Haugesund eller HVL Sogndal. Du kan også ta studiet på deltid i Haugesund.

Kva kan du jobbe med?

Du blir kvalifisert for eit stort spekter av ulike jobbar innan offentleg og privat sektor, interesseorganisasjonar og frivillige organisasjonar.

Etter fullført utdanning kan du jobbe som blant anna fagperson eller rådgivar med arbeidsoppgåver innan rekneskap, marknadsføring, innkjøp, personalforvaltning eller meir generelle oppgåver knytte til analyse, leiing og administrasjon.

Fordjupinga innan rekneskap og skatt kvalifiserer for utdanningskravet til autorisert rekneskapsførar. For å kunne søke om autorisasjon må du i tillegg ha 3 års relevant arbeidserfaring.

Drømmen om en jobb i utenrikstjenesten fikk Ingrid til å søke økonomi og administrasjon, men studiet har fått henne til å åpne øynene for flere drømmejobber.

Møt Ingrid

Korleis er undervisninga?

Studiet er basert på forelesingar, rettleiing, sjølvstudium og gruppearbeid. Vi har også bedriftsbesøk og gjesteforelesingar.

Du skriv ei gruppebasert bacheloroppgåve om eit tema du interesserer deg for.

Lurer du på noko om studentlivet?

Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet.

Bilete viser studentar oppstilt på rekke framfor inngangen til campus Stord

Usikker på studievalet? Sjekk kva arrangement vi har for å hjelpe deg å velje utdanning.

Les meir

Korleis bli siviløkonom?

Siviløkonom er ein beskytta tittel, og gjer deg svært ettertrakta på arbeidsmarknaden. For å få tittelen må du ta bachelor og master i økonomi og administrasjon, altså fem år med utdanning. Tar du denne bacheloren kan du søke deg vidare på Master of Science in Business ved HVL for å bli siviløkonom.

Kva kostar det å studere?

Som student må du betale 850 kroner kvart semester. Les meir på våre sider om semesterregistrering. Denne avgifta dekker ikkje kostnadar til for eksempel pensumbøker og anna utstyr du treng, så det vil komme i tillegg.