Økonomi og administrasjon | Haugesund

Bachelor

Med ein bachelor i økonomi og administrasjon får du ei solid og brei fagleg plattform, og blir attraktiv på arbeidsmarknaden.

Haugesund

Studiepoeng: 180
Varighet: 3 år
Omfang: Heiltid
Studieplan: Studieplan 2024/2025
Søknadsfrist: 15. april

Søk studieplass

Søknadskode i Samordna opptak

203404

Opptakskrav

Generell studiekompetanse

Poenggrense ved forrige opptak

Ordinær kvote Alle kvalifiserte
Førstegangsvitnemål Alle kvalifiserte

Om å søke opptak til HVL

Kvifor studere økonomi og administrasjon?

Økonomi er viktig både for kvar enkelt og for samfunnet, men økonomi og administrasjon handlar om mykje meir enn berre tal. I tillegg til typiske økonomifag, har du fag som marknadsføring, leiing, strategi og samfunnsansvar.

Ved å ta ein bachelor i økonomi og administrasjon kan du bidra til verdiskaping for verksemder og samfunn.

Utdanninga er tverrfagleg og yrkesretta. I tillegg til ein brei økonomisk og administrativ kompetanse, får du spisskompetanse innanfor eit emne du vel sjølv.

Du får også moglegheit til å velje praksis. Dette er ei unik moglegheit til å få arbeidserfaring mens du studerer.

Dette studiet går ved HVL Haugesund, men du kan også studere økonomi og administrasjon ved HVL Bergen eller HVL Sogndal. Du kan også ta studiet på deltid i Haugesund.

Kva kan du jobbe med?

Du blir kvalifisert for eit stort spekter av ulike jobbar innan offentleg og privat sektor, interesseorganisasjonar og frivillige organisasjonar.

Etter fullført utdanning kan du jobbe som blant anna fagperson eller rådgivar med arbeidsoppgåver innan rekneskap, marknadsføring, innkjøp, personalforvaltning eller meir generelle oppgåver knytte til analyse, leiing og administrasjon.

Fordjupinga innan rekneskap og skatt kvalifiserer for utdanningskravet til autorisert rekneskapsførar. For å kunne søke om autorisasjon må du i tillegg ha 3 års relevant arbeidserfaring.

Ida var overveldet over alle valgmulighetene da hun skulle velge studie. Etter råd fra sin far ble det til slutt økonomi og administrasjon.

Møt Ida

Korleis er undervisninga?

Vi har forelesingar, diskusjonar, seminar og rekneverkstad. Du arbeider med oppgåver både individuelt og i grupper.

Du har fag innan:

bedriftsøkonomi og rekneskap
leiing, organisasjon og administrasjon
metode
samfunnsøkonomi
etikk, samfunnsansvar og berekraft

I 3. studieår vel du valemne og skriv bacheloroppgåve.

Les meir om praksis i emneplanen.

Har du spørsmål om praksis ta kontakt med: Knut Steffen Kvala, knut.kvala@hvl.no.

Forkurs i matematikk

Studiet krev gode forkunnskapar i matematikk. Vi anbefaler derfor studentar med praktisk matematikk (P-matte) frå vidaregåande skule til å delta på forberedande kurs 5.-9. august. Studentar med S- eller R-matte som ønsker å friske opp sine kunnskapar, rådast også til å delta.

Les meir om forkurset.

Korleis bli siviløkonom?

Siviløkonom er ein beskytta tittel, og gjer deg svært ettertrakta på arbeidsmarknaden. For å få tittelen må du ta bachelor og master i økonomi og administrasjon, altså fem år med utdanning. Tar du denne bacheloren kan du søke deg vidare på Master of Science in Bussiness ved HVL for å bli siviløkonom.

Kva kostar det å studere?

Som student må du betale 850 kroner kvart semester. Les meir på våre sider om semesterregistrering. Denne avgifta dekker ikkje kostnadar til for eksempel pensumbøker og anna utstyr du treng, så det vil komme i tillegg.