Økonomi og administrasjon | Haugesund | deltid

Denne utdanninga har ikkje opptak i 2025.

Kvifor studere økonomi og administrasjon?

Økonomi er viktig både for kvar enkelt og for samfunnet, men økonomi og administrasjon handlar om mykje meir enn berre tal. I tillegg til typiske økonomifag, har du fag som marknadsføring, leiing, strategi og samfunnsansvar. 

Ved å ta ein bachelor i økonomi og administrasjon kan du bidra til verdiskaping for verksemder og samfunn.

Utdanninga er tverrfagleg og yrkesretta, og er lagt opp slik at du kan arbeide ved sidan av studiet.

I tillegg til ein brei økonomisk og administrativ kompetanse, får du spisskompetanse innanfor ei fagretning du vel sjølv.

Du kan også ta utdanninga på heiltid. Du kan studere økonomi og administrasjon ved HVL Bergen, HVL Haugesund eller HVL Sogndal.

Korleis er undervisninga?

Vi har forelesingar, diskusjonar, seminar og rekneverkstad. Du arbeider med oppgåver både individuelt og i grupper. Det meste av undervisninga blir gjennomført på dagtid, saman med fulltidsstudentane. 

Du har fag innan:

• bedriftsøkonomi og rekneskap
• leiing, organisasjon og administrasjon
• metode
• samfunnsøkonomi
• etikk, samfunnsansvar og berekraft

I 4. og 5. studieår vel du valemne og skriv bacheloroppgåve.

Forkurs i matematikk

Studiet krev gode forkunnskapar i matematikk. Vi anbefaler derfor studentar med praktisk matematikk (P-matte) frå vidaregåande skule til å delta på forberedande kurs 5.-9. august. Studentar med S- eller R-matte som ønsker å friske opp sine kunnskapar, rådast også til å delta.

Les meir om forkurset.

Ei utdanning med mange moglegheiter

– Nesten uansett kva slags bedrift du går inn på, så finst det alltid ein med denne type utdanning.

Les Maren si historie

Korleis bli siviløkonom?

Siviløkonom er ei beskytta tittel, og gjer deg svært ettertrakta på arbeidsmarknaden. For å få tittelen må du ta både ein bachelor og ein master i økonomi og administrasjon. Altså ei femårig utdanning. Tar du denne bacheloren kan du søke deg vidare på Master of Science in Bussiness ved HVL for å bli siviløkonom.

Lurer du på noko om studentlivet? 

Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet. 

Møt oss!

Usikker på studievalet? Sjekk kva arrangement vi har for å hjelpe deg å velje utdanning.

Les meir

Vidare studium etter fullført utdanning

Etter ein fullført bachelor i økonomi og administrasjon kan du søke deg inn på følgande masterutdanningar på HVL:

• Master of Science in Business (siviløkonom)
• Master i innovasjon og leiing

Du kan også studere vidare på ulike mastergradsstudium nasjonalt eller internasjonalt.

Utveksling

Grip moglegheita og opplev nye kulturar!