To kvinnelige studenter med kalkulator og skrivebok med notater

Økonomi og administrasjon | Sogndal

Bachelor

Med ein bachelor i økonomi og administrasjon får du ei brei og yrkesretta utdanning som opnar for mange moglegheiter innan både privat næringsliv og offentleg forvaltning.

Sogndal

Studiepoeng: 180
Varighet: 3 år
Omfang: Heiltid
Studieplan: Studieplan 2025/2026
Søknadsfrist: 15. april

Søk studieplass Opnast i ny fane

Søknadskode i Samordna opptak

203515

Opptakskrav

Generell studiekompetanse

Poenggrense ved forrige opptak

Ordinær kvote Alle kvalifiserte
Førstegangsvitnemål Alle kvalifiserte

Om å søke opptak til HVL

Kvifor studere økonomi og administrasjon?

Økonomi er viktig både for kvar enkelt og for samfunnet, men økonomi og administrasjon handlar om mykje meir enn berre tal. I tillegg til typiske økonomifag, har du fag som marknadsføring, leiing, strategi og samfunnsansvar.

Ved å ta ein bachelor i økonomi og administrasjon kan du bidra til verdiskaping for verksemder og samfunn.

Dette studiet kan du ta ved HVL Sogndal, men du kan også studere økonomi og administrasjon ved HVL Bergen eller HVL Haugesund. Du kan også ta studiet på deltid i Haugesund.

Kva kan du jobbe med?

Du blir kvalifisert for eit stort spekter av ulike jobbar innan offentleg og privat sektor, interesseorganisasjonar og frivillige organisasjonar.

Etter fullført utdanning kan du jobbe som blant anna fagperson eller rådgivar med arbeidsoppgåver innan rekneskap, marknadsføring, innkjøp, personalforvaltning, eller meir generelle oppgåver knytt til analyse, leiing og administrasjon.

Fordjupinga innan rekneskap og skatt kvalifiserer for utdanningskravet for å bli autorisert rekneskapsførar. For å kunne søke om autorisasjon må du i tillegg ha tre års relevant arbeidserfaring.

Korleis er undervisninga?

Vi har forelesingar, seminar, gruppeøvingar og organiserte kollokviegrupper med rettleiing. Vi koplar teori og praksis gjennom arbeid med relevante problemstillingar.

Det blir lagt opp til ein studietur i 2. eller 3. klasse, med besøk hos verksemder og institusjonar.

Dei to første studieåra vil du få grunnleggande kunnskap om samfunnsøkonomi, jus, organisasjon og leiing, bedriftsøkonomi, rekneskap og marknadsføring. I fjerde semester kan du ta valemne.

I tredje studieår vil du berre ha tre obligatoriske fag: Samfunnsvitskapleg metode, leiing og bacheloroppgåve. Dette gir deg friheit til å velje blant fleire spennande valemne, som vidaregåande finansrekneskap, skatte- og avgiftsrett, prosjektleiing, merkevarestrategi, anvendt finans, Human Resource Management, med meir.

Lurer du på noko om studentlivet?

Kvar måndag kan du chatte med ein student mellom kl 11.30-15.00 her på hvl.no. Chatten finn du nederst i høgre hjørnet.

Bilete viser studentar oppstilt på rekke framfor inngangen til campus Stord

Usikker på studievalet? Sjekk kva arrangement vi har for å hjelpe deg å velje utdanning.

Les meir

Korleis bli siviløkonom?

Siviløkonom er ein beskytta tittel, og gjer deg svært ettertrakta på arbeidsmarknaden. For å få tittelen må du ta både ein bachelor og ein master i økonomi og administrasjon, altså ei femårig utdanning. Tar du denne bacheloren kan du søke deg vidare på Master of Science in Bussiness ved HVL for å bli siviløkonom.

Kva kostar det å studere?

Som student må du betale 850 kroner kvart semester. Les meir på våre sider om semesterregistrering. Denne avgifta dekker ikkje kostnadar til for eksempel pensumbøker og anna utstyr du treng, så det vil komme i tillegg.

Forkurs i matematikk

Studiet krev gode forkunnskapar i matematikk. Vi anbefaler derfor studentar med praktisk matematikk (P-matte) frå vidaregåande skule å delta på forberedande kurs i august. Mattekurset BØA111 Matematikk for økonomar krev gode forkunnskapar i matematikk og bygger på kunnskap tilsvarande S1+S2 frå vidaregåande skule. Studentar med begrensa forkunnskapar i matematikk, må derfor rekne med betydelig ekstra arbeidsinnsats i matematikkurset. Studentar som har S- eller R-matte, men som føler at dei har «gløymt mykje» av tidlegare matematikkunnskapar bør også delta på forkurset. Studentar som nylig har hatt S- eller R-matte, eller matematikk fra høgskule/universitet, har derimot ikkje behov for å ta forkurset.

Tidspunkt for forkurs i matematikk hausten 2024: