Opptakskrav og søknad
Opptakskrav
Bachelorgrad med 80 studiepoeng fordjuping. Fordjupinga må vere fagleg relevant for studieretninga du søker opptak til:
- Samfunnsfag og KRLE: Samfunnsfag, historie eller religion
- Matematikk og naturfag: Matematikk eller naturfag
- Kroppsøving og mat og helse: Kroppsøving, idrettsfag, eller mat og helse
- Andre- og framandspråksdidaktikk: Norsk eller engelsk
Tilleggskrav
Dette kravet skal du ikkje dokumentere i søknaden din, men du må sende det inn viss du får studieplass.
Om å søke opptak til HVL
Kvifor velje ein master med integrert PPU?
I 2019 kom kravet om mastergrad for lærarar. Samstundes er behovet for fleire lærarar stort. Dette studiet gir deg mastergrad og PPU integrert i eit studie over to år.
Masteren gjer deg kvalifisert til eit sikkert yrke, med god startløn. Som lærar får du ein meiningsfull, variert og sosial arbeidskvardag, der du får brukt mange sider ved deg sjølv. Du får moglegheit til å fordjupe deg i spennande fagområde. Ein fleksibel jobb med gode ferieordningar.
Studiet er samlingsbasert og nettstøtta over 2 år. Dersom du arbeider i skulen, kan ein av praksisperiodane føregå på eigen arbeidsplass.
Korleis er studiet bygd opp?
Du kan sjølv velje om du vil ta utdanninga på heiltid over to år eller på deltid over tre og eit halvt år.
For kullet som startar hausten 2025, vil ein del undervisning gå felles med PPU på Stord, medan samlingane i dei andre emna vil gå i Bergen, Sogndal eller på Stord, alt etter kva studieretning du vel.
Målgruppe
Dette studiet er for deg som ønsker å ta PPU integrert i eit masterstudium. Hausten 2025 tek vi opp studentar som har ein bachelorgrad innan:
- Samfunnsfag, religion eller historie
- Matematikk eller naturfag
- Andre- eller framandspråksdidaktikk
- Kroppsøving eller mat og helse
Gjennom Utdanningsdirektoratet kan skuleeigar søke om utdannings- og rekrutteringsstipend. Les meir om ordninga til Utdanningsdirektoratet.
Kva kan du jobbe med?
Med ein integrert master i praktisk-pedagogisk utdanning (PPU) får du lektorkompetanse og kan du søke på nye jobbar som lærar - eller du kan kome tilbake til jobben din som lærar, med auka fagleg kompetanse.
Masterstudiet kvalifiserer også til ein forskande praksis, og til å initiere og gjennomføre utviklingsarbeid i skulen eller på arbeidsplassen.
Samlingsdatoar studieåret 2025/26
PPUA305, Leiing av læreprosessar
Hausten:
- 17.-19. september 2025, Stord
- 19.-21. november 2025, Stord
Våren:
- 4.-6. februar 2026, Stord
- 25.-27. mars 2026, Stord
I fulltidsprogresjon gjennomfører du to emne kvart semester. Samlingsdatoar og stad for desse vil bli oppdatert i februar. Dei fagdidaktiske samlingane kan vera på Stord, i Bergen eller i Sogndal, alt etter kva fagområde du er tatt opp på.
Samfunnsfag, religion eller historie
Samlingsdatoar og stad kjem
Matematikk eller naturfag
Samlingsdatoar og stad kjem
Andre- eller framandspråksdidaktikk
Samlingsdatoar og stad kjem
Kroppsøving eller mat og helse
Samlingsdatoar og stad kjem
