Opptakskrav og søknad
Opptakskrav:
Generell studiekompetanse
Studietypenummer: 8530
Om å søke opptak til HVL
Kvifor studere undervisning i nynorsk som sidemål?
Sidan dei fleste elevane berre møter nynorsk i skulen, kan det vere krevjande for lærarar å undervise i nynorsk som sidemål. Dette faget vil handle om korleis du kan gjere nynorsken lettare tilgjengeleg gjennom fokus på gode undervisningsmetodar som knyter nynorsken til elevane sitt eige språk og sin eigen kvardag.
Kva lærer du?
Emnet legg vekt på kva nynorsk er, kvifor vi har nynorsk på skulen, og korleis vi skal undervise i nynorsk som sidemål - med klar vekt på det siste. Metodar som språkdusj, språksamanlikning og bruk av moderne nynorsk litteratur har som mål å gjere undervisninga di meir variert og engasjerande for elevane.
Du finn meir informasjon i emneplanen
Målgruppe
Emnet er retta mot lærarar og andre som driv undervisning i nynorsk som sidemål.
Dette er faget for deg som har nynorsken godt under huda allereie, for deg som kjenner du treng litt meir påfyll før du skal i gang med undervisninga, og for deg utan nynorskbakgrunn.
Undersvisningsform
Emnet er eit heildigitalt tilbod. Det tyder at det ikkje er fysiske samlingar. Undervisningsøktene kan i hovudsak spelast av når studenten sjølv vil.
Men det vil òg vera økter der studenten loggar seg inn på eit gitt tidspunkt for undervisning i sanntid. Desse øktene er spesifisert under "Samlingar".
Samlingar
Her deltek ein digitalt. Desse øktene vil innehalda gruppearbeid, plenumsdiskusjonar og anna studentaktivt arbeid. Det vil vera fem slike økter à 2 timar. Tidspunkta for dei er:
Krav til forkunnskapar
Ingen.
Pensum
Informasjon om pensum kjem ved studiestart.
Eksamensform
Emnet har tre obligatoriske læringsaktivitetar som må gjennomførast og godkjennast før ein kan gå opp til eksamen. Du kan lese meir om dei i emneplanen.
Eksamenform:
Individuell semesteroppgåve, 3000 ord (pluss/minus 10 %). Semesteroppgåva skal skrivast på nynorsk. Presisering av formelle krav kjem ved semesterstart.
