Feira 27 doktorar

– I høgskulen arbeider me systematisk for å få status som universitet. Men dykkar arbeid, kjære doktorar, viser at det profesjons- og arbeidslivsretta Universitetet på Vestlandet alt er i full utfalding, sa rektor Gunnar Yttri under sin tale.

Doktorpromosjonen er HVL sin tredje, og fann stad i Mimes brønn ved HVL, campus Bergen. Arrangementet vart også strøyma.

Rektor påpeika at vi er internasjonalt forplikta og regionalt forankra.

– Internasjonalt forplikta på det viset at me bidreg til ei berekraftig utvikling. Regionalt forankra på det viset at me samarbeider tett med regionale samfunns- og arbeidslivsaktørar. Dette gjer oss i stand til å forstå regionale behov og utfordringar, og å bidra til regional verdiskaping og utvikling, uttalte han. 

– Stolt, audmjuk og nysgjerrig

Gjestetalar for årets doktorpromosjon var Feroz Mehmood Shah som er leiar for Akademiet for yngre forskere. 

– Ver stolt, audmjuk og nysgjerrig, sa han til doktorane. 

Høgskulelektor Leif Ole Dreyer ved Fakultet for teknologi, miljø- og samfunnsvitskap stod for talen på vegne av dei nye doktorane. Han takka laget av menneska som bidreg til at ein klarer å gjennomføre doktorgraden.

– Det har kravd både intellektuell og følelsemessig innsats, men vi klarte det! No har vi uante moglegheiter for samarbeid om forskingsresultata, sa han.

Danning, datateknologi, nautikk, ansvarleg innovasjon og helse