Kvifor studere kunstfag?
Denne utdanninga er skreddarsydd for deg som vil bli rusta til å arbeide innan kunst- og kulturfeltet. Gjennom studiet legg vi vekt på at du skal lære deg kreative metodar, få tverrfaglege perspektiv og utforske digital teknologi. Viktige tema for undervisninga vil vere berekraft, kulturell forståing og samfunnsengasjement.
Du kan velje å fordjupe deg i musikk eller visuell kunst. Dette blir utgangspunktet ditt for fleire omfattande arbeid med ulike prosjekt, både individuelt og i team. Gjennom å utvikle eigne prosjekt får du også høve til å utforske korleis kunsten kan skape verdi i ulike samanhengar.
Dette er ei fleksibel utdanning, der første året er eit heiltidsstudium ved HVL Stord og 2. og 3. studieår er samlings- og nettbasert.
Kva kan du jobbe med?
Med ein bachelor i kunstfag har du mange karrieremoglegheiter. Du kan for eksempel jobbe i:
- kunst- og kulturinstitusjonar
- som sjølvstendig næringsdrivande
- kunstfeltet
- kulturskulen
- skule/skulefritidsordning
- og mykje meir
