Opptakskrav og søknad
Opptakskrav
- Bachelorgrad som gir yrkestittel sosionom, vernepleiar, barnevernspedagog, sjukepleiar, fysioterapeut eller ergoterapeut.
eller:
Annan bachelorgrad innan helse- og sosialfag, psykologiske, eller pedagogiske fag og minst 1 års relevant yrkeserfaring innan psykisk helse-, rus- og avhengigheitsarbeid etter fullført utdanning.
Opptakskrav påbygg
- Du må dekke opptakskravet til master (se over).
- Vidareutdanning på masternivå på 60 studiepoeng innen psykisk helse- og rusarbeid eller tilsvarende. Se oversikt over forhåndsgodkjente videreutdanninger i studieplan.
Søknadskode
3001 (master), 3038 (påbygg)
Poenggrense ved forrige opptak
Alle kvalifiserte fikk plass.
Om å søke opptak til HVL
Kvifor studere tverrfagleg master i psykisk helse- og rusarbeid?
I masterutdanninga vil du lære om sentrale omgrep, teoriar, modellar og arbeidsmetodar i arbeidet med psykisk helse-, rus- og avhengigheitsarbeid. Du lærer spesielt om betringsorienterte tilnærmingar som kan fremje sosial deltaking på ulike arenaer.
Studiet er organisert som ei samlingsbasert utdanning på deltid over fire år, med ein kombinasjon av nettbasert og fysisk undervising på campus.
Ved å ta tverrfagleg master i psykisk helse- og rusarbeid vil du også lære meir om:
- Ulike perspektiv og kontekstar for å få ei heilskapleg forståing av fagfeltet.
- Politiske føringar, organisatoriske rammar, etiske og rettslege omsyn i møte menneske med psykisk helse-, rus-, og avhengigheitsvanskar og familiane og nettverket deira.
- Kommunikasjons- og samhandlingsprosessar innan relasjonelt og tverrfagleg psykisk helse-, rus- og avhengigheitsarbeid.
- Vitskapsteori, forskingsmetodar og forskingsprosessar. Både generelt og spesielt relatert til feltet psykisk helse-, rus- og avhengigheitsarbeid.
Du kan også ta videreutdanning i psykisk helse og rusarbeid.
Kva kan du jobbe med?
Etter masterutdanninga kan du jobbe innan psykisk helse-, rusmiddel- og avhengigheitsarbeid i kommunale helse-, omsorgs- og velferdstenester, samt spesialisthelseteneste og tverrfagleg spesialisert rusbehandling (TSB).
Har du allereie ei vidareutdanning og vil ta master?
Då kan du søke master påbygg!
Har du tidlegare fullført ei vidareutdanning på masternivå innan psykisk helse- og rusarbeid, eller tilsvarande, så har du høve til å søke påbygg for å bygge vidare på ein master.
Følgjande vidareutdanningar frå HVL kvalifiserar:
- Vidareutdanning i psykisk helse og rusarbeid, Stord/Haugesund (frå 2018)
- Vidareutdanning i psykisk helsearbeid, Førde (frå 2016)
- Dei første 60 stp. av master i psykisk helse og rusarbeid, Bergen (frå 2017)
- Vidareutdanning i rusproblematikk og rusarbeid, Sogndal, Førde (frå 2017)
- Tverrfagleg vidareutdanning i psykososialt arbeid med barn og unge, Stord/Haugesund eller Førde (frå 2020)
Andre tverrfaglege vidareutdanningar på masternivå kan også vurderast.
Praksis
Det er seks veker obligatorisk praksis i utdanninga. Praksis blir gjennomført i tråd med forskrift om nasjonal retningslinje for tverrfagleg vidareutdanning i psykisk helse-, rus-, og avhengighetsarbeid og inngår i emnet Fagutvikling og praksis. Sjå emneplan for nærmare skildring.
For å få godkjend praksis, må studenten nå læringsutbyttet og oppfylle krav til 90% oppmøte i praksis.
Undervisningsform
Studiet er ein kombinasjon av samlingar og sjølvstudium. Du får ei variert og studentaktiv undervisning. Vi har mellom anna førelesingar og seminar, presentasjonar og diskusjonar om erfaringar frå praksis. I tillegg får du øve opp praktiske ferdigheiter gjennom ferdigheitstrening og praksis:
- Studentaktive undervisings-og arbeidsformar med oppgåver og presentasjonar individuelt og i gruppe.
- Digitale nettmøte med gruppearbeid, diskusjonar og nettbaserte læringsaktivitetar mellom samlingane.
- Relevans for praksisfeltet blir vektlagt gjennomgåande i studiet. I løpet av studiet deltek ulike aktørar innan forsking, praksisfelt og brukarrepresentantar i undervisninga.
- Studentane vil få tilbod om rettleiing i arbeidet med individuelle oppgåver og gruppeoppgåver gjennom heile utdanninga.
Undervisninga er lagt opp med studentaktive samlingar, digitale og fysiske forelesningar, seminar med studentframlegg og diskusjon, gruppearbeid, øvingsoppgåver, ferdigheitstrening og rettleiingsgrupper.
Samlingane vil innehalde obligatoriske læringsaktivitetar. Mellom samlingane vert det forventa at studentar arbeider sjølvstendig med pensum, førebuing til samlingane og med oppgåver.
Innhald i studiet
Den første delen av masterprogrammet samsvarar med vidareutdanning i tverrfagleg psykisk helse-, rus- og avhengigheitsarbeid.
Den andre delen inneheld vitskapsteori, metode, samt prosjektoppgåve fordjuping i relevant tema og gjennomføring av sjølve masteroppgåva. Studiet er bygd opp av emne på 15 studiepoeng fram til du startar på masteroppgåva som er på 45 studiepoeng.
Normal studieprogresjon på deltid er 15 studiepoeng per semester. Frå hausten 2025 blir det opna for tilbod om ein raskare progresjon med 30 studiepoeng pr semester, fulltid.
Samlingar master
Haustsemester 2025
TPHR501 Perspektiv på psykisk helse, rusmiddelbruk og avhengigheit
Digital oppstart:
Veke 34: 21. august
Fysiske samlingar:
Veke 36: 1.-5. september (Førde og Bergen)
Veke 42: 13.-17. oktober (Førde og Bergen)
Veke 46: 10.-14. november (Førde og Bergen)
Digital undervisning:
Finn stad i/under samlingsvekene. Studentane treng ikkje å vera til stades på campus.
Digitale treffpunkt:
(Moglegheit for å stilla eventuelle spørsmål og å få og rettleiing til sjølvstudium og arbeidskrav mellom samlingane ved behov.)
Veke 39: 22. september
Veke 44: 27. oktober
Veke 50: 8. desember - spørsmål og svar rundt eksamen
Eksamen: Skriftleg heimeeksamen.
Veke 50/51: 8.-15. desember
Raskare studieløp:
Dersom du ønsker eit raskare studieløp, kan du ta emnet TPHR503 Etikk, relasjon og samhandling samtidig som TPHR501 Perspektiv på psykisk helse, rusmiddelbruk og avhengighet.
TPHR503 Etikk, relasjon og samhandling
Fysiske samlingar:
Veke 39 (Bergen, Haugesund og Sogndal)
Veke 44 (Bergen, Haugesund og Sogndal
Veke 49 (Bergen, Haugesund og Sogndal)
I tillegg vil det komma nokre digitale undervisningsøkter.
Eksamen:
Veke 49
Vårsemester 2026
TPHR502 Forebygging, behandling og omsorg
Fysiske samlingar:
Veke 4 (Sogndal og Bergen)
Veke 11 (Sogndal og Bergen)
Veke 21 (Sogndal og Bergen)
I tillegg vil det komma nokre digitale undervisningsøkter.
Muntleg eksamen:
Veke 23 (Bergen)
Veke 24 (Sogndal)
Raskare studieløp:
Dersom du ønsker eit raskare studieløp, kan du ta emnet TPHR504 Fagutvikling og praksis samtidig som TPHR502 Forebygging, behandling og omsorg.
TPHR504 Fagutvikling og praksis
- Varigheit praksisperiode: 6 veker
- Gjennomsnittleg 30 timar/veka – 180 timar i klinisk praksis gjennom praksisperioden
- Obligatorisk 90% tilstadeværelse
- Praksisdagane må fordelast over alle praksisvekene / minst to dagar i praksis kvar veke
- Bergen: veke 5-10
- Førde/Haugesund: veke 5-10 og 15-20
Fysiske samlingsveker:
Veke 3
Veke 12
Veke 24
Kor mange dagar som inngår i samlingsvekene vil det komma nærare informasjon om.
I tillegg vil det komma nokre digitale treffpunkt.
Med atterhald om endringar.
Samlingar påbygg
Haustsemester 2025
MAMET1PHR Vitenskapsteori, etikk og metode
Digitale samlingar:
- 19.08.25 – 20.08.25
- 09.09.25 – 11.09.25
- 07.10.25 – 09.10.25
Vårsemester 2026
TPHR590 Masteroppgave
Fysiske samlingar:
- Uke 2 (07.01.26 - 09.01.26)
- Uke 16 (13.04.26 - 15.05.26)
Med atterhald om endringar.
Vurderingsformar
Praksis, individuell skriftleg oppgåve, munnleg eksamen, heimeeksamen, prosjektoppgåve og masteroppgåve som monografi eller artikkel med kappe.
Alle obligatoriske læringsaktivitetar må være godkjend før studenten får framstille seg til eksamen i det enkelte emnet.
Krav til politiattest og skikkavurdering
Krav til politiattest
Det er krav om politiattest, jf. reglane koda med PKTH.
Skikkavurdering
Denne videreutdanninga / masterutdanninga har skikkavurdering, som er regulert av forskrift om skikkavurdering (skikkethetsvurdering). For meir informasjon sjå høgskulen si nettside om skikkavurdering eller forskrift om skikkavurdering.
Utveksling
Det vil bli lagt til rette for utveksling forbindelse med praksis i 4. semester. Vidare vil det bli lagt til rette for utveksling i forbindelse med masteroppgåva. Studentar som vel utveksling i forbindelse med masteroppgåva vil kunne velje utveksling enten som delar av semesteret eller heile semesteret. Studentar som vel utveksling i delar av semesteret vil få oppnemnd rettleiar både ved HVL og ved institusjonen der dei er på utveksling.
Vil du studere meir?
Fullført masterutdanning kan kvalifisere for opptak på ph.d.-programma Helse-, funksjon-, og deltaking samt Responsible Innovation and Regional Development (RESINNREG) hos oss. Studiet vil også kunne kvalifisere til andre nasjonale og internasjonale doktorgradsprogram.
