Institutt for idrett, kosthald og naturfag
Institutt for idrett, kosthald og naturfag tilbyr utdanning innanfor fagområda idrett, kroppsøving, folkehelse, friluftsliv, naturfag og mat og helse. Nasjonalt senter for mat, helse og fysisk aktivitet er òg ein del av instituttet.
Utdanning og undervisning
Instituttet har ansvar for fleire utdanningar på bachelornivå innan idrett, kroppsøving, friluftsliv og folkehelsearbeid. I tillegg kjem masterutdanningar i idrettsvitskap, fysisk aktivitet og kosthald i eit skulemiljø, og lærarutdanning i praktiske og estetiske fag for 1.-13. trinn.
Instituttet gir og undervisning på sine fagområde på alle nivå i barnehagelærarutdanninga og ved grunnskulelærarutdanningane og bidreg i fakultetet sitt ph.d.-program Danning og didaktiske praksisar.
Forsking og utvikling
Tilsette på instituttet er involvert i forsking og utviklingsarbeid som er relevant for aktiviteten ved fakultetet og deltek i faglege nettverk både nasjonalt og internasjonalt. Instituttet er òg ein viktig aktør regionalt og nasjonalt for å bidra til vidareutdanning og kompetanseutvikling i skule, barnehage og det sivile samfunn.
Vi held til i Bergen, Sogndal og på Stord og har om lag 100 tilsette.
Nasjonalt senter for mat helse og fysisk aktivitet ligg under instituttet.
Leiing ved instituttet
Campusutvikling
Følgjande leiarar skal ha særleg fokus på campusutvikling på den enkelte campus og samhandling mellom institutta og andre einingar på campus:
- Sogndal: Frode Fretland
- Bergen: Ingrid Leversen
- Stord: Merete Økland Sortland
