Personleg trenar - Friluftsliv - Idrett, trening og helse
Før praksisstart må du lese informasjonen nedanfor inkludert aktuell emneplan og studieplan.
Før praksisstart
Tildeling av praksisplass
Du vil bli tildelt praksisplass av praksiskoordinator i samarbeid med faglærar. Høgskulen på Vestlandet inngår avtalar med den enkelte praksisstad. Informasjon om kor du skal gjennomføre praksis vert lagt ut i kullrommet i Canvas. For nokre av praksisperiodane får du kome med forslag til aktuell praksisstad, dette vert nærare informert om i undervisninga.
Førebuing til praksis
Faglærar og praksiskoordinator informerer om praksis i undervisningsøkt i god tid før praksis. Når du har fått tildelt praksisplass har du ansvar for å ta kontakt med praksisrettleiar for å avtale oppmøtetid og stad.
Dei fleste av praksisperiodane skal gjennomførast som obligatorisk læringsaktivitet i eit emne. Det betyr at praksis må være godkjent før du kan ta eksamen i emnet.
Å vere i praksis er ein unik sjanse til å få prøve seg i arbeidslivet. Det er viktig at du førebur deg godt og at du gjennomfører praksis i samsvar med forventningar frå praksisstad og HVL.
Praksis ved dei ulike utdanningane 2024-2025
Årsstudium personleg trenar - Sogndal
Årsstudium Idrett og trening - Sogndal
- Praksis vil gjennomførast på ulike arenaer, til dømes innan idretten eller i opplæring-/oppvekstsektoren.
- Punktpraksis aktivitetsleiing knytt til emnet aktivitetslære (ca. 20 arbeidstimar totalt: 10 timar hausten 2024 og 10 timar våren 2025).
- Kan gjennomførast i perioden veke 39-15.
Bachelor i friluftsliv, praksis 2.studieår
Friluftsliv vinter (FRIB-202):
To veker samanhengande praksis i skuleverket, institusjonar i helsesektoren eller andre friluftslivsrelevante instutisjonar våren 2025 i veke 11 og 12.
Bachelor i idrett, trening og helse: Idrett, trening og prestasjon
Studieretning idrett, trening og prestasjon
1.studieår:
- Punktpraksis aktivitetsleiing (ca. 20 arbeidstimar totalt: 10 timar hausten 2024 og 10 timar våren 2025).
- Kan gjennomførast i perioden veke 39-15.
2.studieår:
Coaching og trenarrolla (BIDR202) og Ferdigheitslæring (BIDR203)
- Praksis i eit idrettslag / treningsgruppe, punktpraksis 40 timar.
- 20 timar på kvart emne i perioden veke 4-15 våren 2025.
3. studieår:
Sport - kultur - leiing (BIDR301)
Studentane skal i grupper på inntil fire gjennomføre praksis i ein idrettsorganisasjon (frivillig eller profesjonell) tilsvarande to arbeidsveker. Praksisperioden kan bli organisert over to veker eller etter avtale med emneansvarleg gå over ein lengre periode.
Praksisperioden er veke 5 og 6
Vurderingsskjema kjem seinare.
Bachelor idrett, trening og helse: Trening, fysisk aktivitet og helse
Studieretning trening, fysisk aktivitet og helse
1. studieår:
Punktpraksis 20 timar. Gjennomførast i veke 1-17 våren 2025.
2.studieår:
Førebyggjande fysisk aktivitet (BIDR211):
Treningsplanlegging og treningsrettleiing, punktpraksis hausten 2024 (20 arbeidstimar i veke 37-46).
Helsepedagogikk (BIDR212): i perioden veke 5-10 våren 2025
Det er to praksisperiodar i emnet:
- Arbeidslivspraksis på treningssenter med arbeidsmengde tilsvarande to veker (veke 5-6 våren 2025).
- Arbeidslivpraksis innan førebygging, behandling eller rehabilitering, sammanhengande fire veker (veke 7-10 våren 2025).
3. studieår:
Arbeidslivspraksis. Praksisperiode på to veker (veke 5 og 6 våren 2025) skal gjennomførast ved ein praksisplass som er fagleg relevant innan trening, fysisk aktivitet og helse. Studentane må sjølve finne seg praksisplass.
Bachelor Idrett, trening og helse: PT, trening og helse
Studieretning PT, trening og helse
1. studieår:
Praksis på treningssenter veke 11-12 våren 2025.
Vurdering av praksis
Om vurdering og innlevering av praksisvurdering
- Praksislærar/praksisrettleiar skal fylle ut skjema for godkjent/ikkje godkjent praksis. Når praksis er avslutta skal signert skjema leverast til studenten som deretter lastar vurderinga opp i Canvas.
- Ved fare for ikkje godkjent praksis skal praksislærar kontakte faglærar så snart som mogeleg.
- Gjennomføring av praksis i desse utdanningane føl reglane for obligatoriske læringsaktivitetar.
Evaluering etter praksis
For å kunne vidareutvikle kvalitet i praksis ønsker vi at du gir ei tilbakemelding på korleis du har opplevd praksis. Dette vert gjort i undervisningsøkt etter praksis.
Har du spørsmål?
Ta kontakt med praksisadministrasjonen ved FLKI via kontaktskjema
Dette må alle kjenne til:
- PolitiattestPå ein del studium er det krav til at du må legge fram politiattest.
- Vaksinasjon og medisinsk testPå nokre studium er det krav til vaksinar og medisinsk testing før du går ut i praksis.
- TeiepliktFør du startar i praksis må du skrive under på ei teieplikterklæring.
- Tilrettelegging av praksisHar du behov for tilrettelegging eller praksis på ein bestemt stad?
- SkikkavurderingSkikkavurderinga skal sikre at du er skikka til yrket du utdannar deg til.
- Krav til oppmøteDu må møte til obligatorisk praksis for at studiet ditt skal bli godkjent.
- Bu- og reiseutgifterDu kan få dekka bu- og reiseutgifter knytt til praksis. Slik går du fram.
- Kvalitet i praksisSjå korleis du kan medverke til god kvalitet i praksis.
- Personvern i praksisDet er viktig at du har ein datahandteringsplan og ivaretar personvern.
- Skade under praksisDu har same rettar som de tilsette ved praksisplassen din.
- Klagerett praksisHer kan du lese om klagerett knytt til praksis.
- WiseflowInnlevering av praksisvurdering i Wiseflow
- Fare for ikkje bestått praksisOppstår det tvil om du vil bestå praksis, skal du normalt få skriftleg varsel.