Praksis i lærarutdanning i praktiske og estetiske fag, trinn 1–13, kroppsøving og idrettsfag

Før praksis må du:

• Lese informasjonen på denne nettsida.
• Sikre at politiattest er levert ved studiestart og seinast før praksisstart. 
• Sikre at du er undervisningsmeld og vurderingsmeld i praksisemnet.
• Delta på obligatoriske praksisførebuande møte.
• Ta kontakt med praksislærar i god tid før praksis startar.
• Lese emneplan for praksis for ditt studieår. 

Før praksis må du lese emneplan for praksis for ditt studieår.

• Praksis 1. studieår LUPE kroppsøving
• Praksis 2. studieår LUPE kroppsøving
• Praksis 3. studieår LUPE kroppsøving
• Praksis 4.studieår LUPE kroppsøving

Du bør også vere kjend med innhaldet i studieprogramplanen. Den viser målsettingane for praksisopplæringa og vidare omfang og modell for organisering av praksis i utdanninga.

• Studieplan LUPE kroppsøving med emneoversikt (kull 2024).

Nedanfor finn du i tillegg nasjonale og lokale føringar for praksis:

• Forskrift om rammeplan for lærarutdanning i praktiske og estetiske fag, trinn 1-13
• Nasjonale retningslinjer for lærarutdanning i praktiske og stetiske fag, trinn 1-13
• Forskrift om studium og eksamen ved HVL (frå 1.8.2024)
• Lov om universiteter og høyskoler (universitets- og høyskoleloven), frå 1.8.2024
• Forskrift til universitets- og høyskoleloven (universitets- og høyskoleforskriften), frå 1.8.2024

Før praksisstart bør du tenke gjennom spørsmåla under og diskutere dei med praksisgruppa

• Har eg sett meg grundig nok inn i retningslinjer og emneplan?
• Korleis ser eg meg sjølv i rolla som lærar?
• Korleis ser eg på ansvaret mitt som teamdeltakar og medkollega?
• Korleis forheld eg meg til balansen mellom å vere student og kollega/medarbeidar på ein skule?
• Kva mål har eg sett meg for praksis?
• Korleis skal eg følgje opp eigne mål?
• Korleis skal eg ta ansvar for eiga læring i praksis?
• Korleis kan eg best gjere nytte av rettleiinga?
• Korleis gir og tek eg tilbakemelding?
• På kva måte vil eg ta opp kritiske problemstillingar?
• På kva måte skal eg møte positiv og negativ tilbakemelding?
• Korleis vil eg møte eventuelle samarbeidsproblem i praksisgruppa?
• Korleis kan eg bidra til å lage eit godt samarbeidsklima i praksisgruppa

Tips til korleis vere ein god praksisstudent:

• Møt presis på praksisskulen til alle timar også til dei du ikkje har ansvar for sjølv.
• Føl opp arbeid og avtalar du har teke på deg. Det er viktig at alle på praksisskulen kan sjå på deg som ein påliteleg kollega.
• Ver bevisst på rolla di, elevane ser ikkje på deg som student, men som ein vaksen.
• Rett deg etter reglementet på skulen, set deg også inn i dei uskrivne normene og reglane.
• Skriv gjerne logg, den kan brukast som grunnlag for rettleiing.
• Ver aktiv i rettleiingsøktene, også når medstudentar får rettleiing.
• Søk opp nødvendig informasjon sjølv og ver aktiv sjølv for å få tak i den informasjonen du treng for å kunne gjennomføre god undervisning.

Praksis er ein integrert del av faga i utdanninga og skal bidra til at studentane utviklar evne til å reflektere over og utvikle eiga profesjonsutøving. 

Førebuing, planlegging, gjennomføring og etterarbeid av praksis er obligatorisk. Sjå krav til oppmøte i praksis.

Praksis utgjer 130 heile arbeidsdagar fordelt slik på dei fem studieåra:

1. studieår: 40 dagar praksis i grunnskule
2. studieår:
   • Kull 2022 - 25 dagar praksis i VGS og 5 dagar skuledeltaking grunnskule
   • Frå kull 2023 - 25 dagar praksis i VGS og 10 dagar spesialpedagogisk praksis
3. studieår:
   • Studentar som tar emne i treningslære:
     • Kull 2022: 10 dagar praksis VGS haust. 10 dagar praksis idretten vår (eventuelt VGS)
     • Frå kull 2023: 10 dagar praksis i idretten haust og 10 dagar praksis VGS vår
   • Studentar som tar GLU-emne: 20 dagar praksis i grunnskule
4. studieår:
   • Kull 2022 - 20 dagar praksis i VGS og 10 dagar spesialpedagogisk praksis
   • Frå kull 2023 - 20 dagar praksis i VGS og 5 dagar skuledeltaking grunnskule
5. studieår: 10 dagar prosjektpraksis i VGS eller grunnskule knytt opp mot masteroppgåva

HVL har faste praksisavtalar og praksisadministrasjonen tildeler og fordeler praksisplassar til studentane. I nokre av praksisperiodane vil du ha moglegheit til å kome med forslag til praksisplass.

Reisetid på inntil 1,5 time kvar veg frå bustad til praksisstad vert rekna som normalt. I nokre av praksisperiodane må studentar rekne med å bu på praksisstaden då avstanden er for stor til å pendle. 

Du kan ikkje ha praksis på eigen arbeidsstad eller der du har nære relasjonar til praksislærar eller der eigne barn er elevar.

Retningslinjer for praksis LUPE kroppsøving og idrettsfag 1.-4.studieår

Retningslinjer for praksis LUPE 3.studieår - GLU emne.

1. studieår

• Haust 24: praksis  i grunnskule veke 42-45 (20 dagar).
• Vår 25: praksis i grunnskule veke 5-8 (20 dagar).
• Informasjon om praksis til studentane 18.september på campus.
• Digitalt praksisførebuande møte for praksislærarar 26.september kl 14:30-15:30.

2.studieår

Haust 24:

• praksis i vidagegåande skule veke 42-44 (15 dagar)
• digitalt praksisførebuande møte for praksislærarar og studentar tysdag 1.oktober kl. 14:30-15:30

Vår 25:

• spesialpedagogisk praksis veke 3 på Beitostølen eller veke 3-4 på anna praksisstad
• praksis i vidaregåande skule veke 10-11 (10 dagar)

3.studieår

Studentar som har valt emne innan treningslære skal ha praksis slik:

Haust 24:

• praksis veke 46-47 (10 dagar) i vidaregåande skule
• praksisførebuande møte for studentar på campus tirsdag 22. oktober (info kjem i TmeEdit)
• digitalt praksisførebuande møte for praksislærarane tirsdag 15. oktober kl. 14.30-15.30.

Vår 25:

• praksis veke 12-13 (10 dagar) i idretten eller vidaregåande skule (endret 10.9.24). 

Studentar som har valt GLU-emne skal ha praksis i grunnskulen slik:

• Naturfag, KRLE og samfunnsfag: haust veke 46-47, vår veke 2-3. Digitalt praksisførebuande møte veke 44 (dato kjem)
• Norsk, matematikk og engelsk: haust veke 42-43, vår veke 5-6. Digitalt praksisførebuande møte 1.oktober kl. 14:30-15:30.

1. studieår

Haust 25:

• Praksis  i grunnskule  20 dagar veke 42-45.
• Informasjon om praksis til studentane på campus (informasjon ved oppstart av emnet).
• Digitalt praksisførebuande møte for praksislærarar tysdag 30.september klokka 14:30-15:30.

Vår 26:

• Praksis i grunnskule 20 dagar veke 5-8.

2.studieår

Haust 25:

• Praksis i vidaregåande skule veke 42-44 (15 dagar)
• Digitalt praksisførebuande møte for praksislærarar og studentar tysdag 30.sept veke 40 klokka 14:30-15:30

Vår 26:

• Spesialpedagogisk praksis veke 3 på Beitostølen eller veke 3-4 på anna praksisstad
• Praksis i vidaregåande skule veke 12-13 (10 dagar)

3.studieår

Studentar som har valt emne innan treningslære skal ha praksis slik:

Haust 25:

• Praksis veke 39-40 (10 dagar) i idretten 

Vår 26:

• 10 dagar punktpraksis (2 dagar per veke: torsdag og fredag) gjennomførast veke 6,7,8,10 og 11 i vidaregåande skule med hovudfokus på idrettsfag
• Praksisførebuande møte for praksislærar og studentar på campus tysdag 20.januar klokka 14:30-16:00

Studentar som har valt GLU-emne praksis i grunnskule: 

• Samfunnsfag:
  • Praksis veke 42-45 med GLU3 
  • Informasjonsmøte om praksis med praksisadministrasjonen for studentar (dato kjem)
  • Praksisførebuande dag for studentane på praksisskulen torsdag 25.september - opplegget varer heile dagen og avsluttast med eit digitalt praksisførebuande møte klokka 14:30-15:15
• Matematikk og engelsk:
  • Praksis veke 42-45 med GLU2
  • Informasjonsmøte om praksis med praksisadministrasjonen for studentar (dato kjem)
  • Praksisførebuande dag for studentane på praksisskulen torsdag 2.oktober - opplegget varer heile dagen og avsluttast med eit digitalt praksisførebuande møte klokka 14:30-15:15

4.studieår

Haust 25:

• Praksis i vidaregåande skule veke 37-40 (20 dagar)
• Praksisførebuande møte for praksislærar og studentar på campus tysdag 2.september veke 36 klokka 14:30-16:00

Vår 26:

• Spesialpedagogisk praksis veke 10 på Beitostølen eller veke 10-11 på anna praksisstad

Studentane vert vurderte etter læringsutbyteformuleringane i emneplan for dei aktuelle studieåra. I tillegg er studentane under løpande skikkavurdering gjennom heile utdanninga. 

Etter avslutta praksisperiode gjev praksislærar studenten ei skriftleg sluttvurdering. Studenten vert vurdert etter karakterskalaen bestått/ikkje bestått. Det er praksislærar og profesjonsrettleiar som i samarbeid fastset karakteren. Praksislærar har ansvar for å involvere høgskulen og rektor i vurderinga dersom det er tvil om studenten har bestått praksis.

Praksislærar informerer studenten om karakteren i ein individuell vurderingssamtale siste dag i praksis. Vurderingsskjema skal signerast av praksislærar og student. Studenten og praksislærar beheld ein kopi kvar.  

Studenten leverer vurderinga digitalt i Wiseflow så snart praksisperioden er avslutta. Les meir om rutinar for praksisvurdering og innlevering av vurderingsskjema ved å klikke her.

Profesjonsrettleiar set karakter i Wiseflow.

1. studieår:

• LUPEKP100 - 1. studieår - vurderingsskjema grunnskulepraksis - nynorsk
• LUPEKP100 - 1. studieår - vurderingsskjema grunnskolepraksis - bokmål

2. studieår:

• LUPEKP200 - P1 -2. studieår-vår-vurderingsskjema-praksis vgs-nynorsk
• LUPEKP200 - P1 -2. studieår -vår-vurderingsskjema-praksis vgs-bokmål

3. studieår:

• LUPEKP300-P1 - underveisvurdering høst - vgs 
• LUPEKP300-P2 - sluttvurdering høst og vår - vgs
• LUPEKP300-P2 - sluttvurdering idretten

Dersom det oppstår tvil om du vil nå måla for læringsutbytta og bestå praksis skal praksislærar fylle ut skjemaet "Varsel om fare for ikkje bestått praksis". Dette skal skje så tidleg som mogleg og seinast halvvegs i praksisperioden.

Les meir om varsel og rutinar ved fare for ikkje bestått her.

Når du får praksis vurdert til ikkje bestått, har du brukt eitt forsøk og heile praksisperioden må takast om att neste gong praksisperioden vert arrangert ordinært. Dette kan få konsekvensar for studieprogresjonen din.

Les meir om rutinar ved ikkje bestått praksis her.

Praksisopplæringa, inkludert praksisførebuing, observasjonsdagar og ulike møte, er obligatorisk.  Alt gyldig  fråvær må takast att for at du skal få oppfylt kravet om 130 dagar praksis. Dette gjeld uansett årsak til fråværet. Sjå informasjon om krav til oppmøte. 

• Gi alltid beskjed til praksislærar om fråvær så snart som mogeleg (både planlagt fråvær og akutte situasjonar).
• Praksislærar kan godkjenne fråvær for enkelttimar og HVL treng ikkje melding om dette.
• Fråvær på ein dag eller meir skal meldast inn til HVL via  fråværsskjema. Der kan du registrere gyldig/dokumentert fråvær i praksis eller søke om planlagd fråvær.
• Ved sjukdom inntil tre dagar kryssar du av for eigenmelding. Du kan berre levere eigenmelding ein gong i haustsemesteret og ein gong i vårsemesteret.
• Er sjukdomsperioden over tre dagar skal du sende attest frå lege, psykolog eller annan sakkunnig person så snart som mogeleg og seinast ei veke etter sjukdommen oppstod.
• Søknad om å få innvilga gyldig planlagd fråvær må sendast via fråværsskjema seinast 3 veker før praksisperioden startar eller så snart som behovet dukkar opp.

• Dersom ein student har dokumentert gyldig fråvær, legg praksislærar og HVL til rette for utsett praksis innanfor studieåret dersom det er mogleg. 
• Studenten skal ta igjen fråværet så snart som råd slik at kontinuitet og samanheng vert sikra. 
• Når dato for utsett praksis er avtalt er dette ein bindande avtale og kan ikkje flyttast til eit seinare tidspunkt. Eventuelt fråvær på utsett praksis må dokumenterast med legeerklæring. Dersom studenten ikkje leverer legeerklæring vil fråværet bli registrert som ugyldig. 
• Student og praksislærar finn saman tidspunkt for gjennomføring av utsett praksis. Studenten har ansvar for at dette blir gjort.
• Studenten har òg ansvar for at profesjonsrettleiar får beskjed om utsett dato. 
• Ved utsett praksis skal studenten vere til stades totalt 7,5 timar per dag og må minimum ha ansvar for ei undervisningsøkt per dag. 
• Sluttvurdering og siste rettleiingsøkt blir gjennomført i samband med utsett praksis. 
• Studenten må gi praksiskoordinator beskjed om det er nødvendig med utvida innleveringsfrist i Wiseflow.
• Har studenten behov for å utsette praksisdagar til neste studieår, må studenten sende søknad til praksiskoordinator ved HVL om dette. Studenten må legge ved dokumentasjon på årsak til behovet for å utsette praksisdagar. Høgskulen avgjer i kvart enkelt tilfelle kva som er gyldig dokumentasjon og om dette gir rett  på å utsette praksisdagar. Ei utsetting av praksis kan få konsekvensar for studenten sin studieprogresjon.

• Høgskulen legg ikkje til rette for utsett praksis ved ugyldig fråvær.
• Ugyldig fråvær er fråvær som ikkje er dokumentert med eigenmelding, legeattest eller innvilga permisjon. Ferie og deltidsjobb er blant anna ikkje godkjent fråværsgrunn.
• Ugyldig fråvær fører til at praksisperioden blir registrert som avbroten. Avbroten praksis får same konsekvens som ikkje bestått praksis. 
• Dersom ein student, på grunn av ugyldig fråvær, får avkorta praksisperioden slik at vedkommande ikkje kan vurderast, fører det til avbroten praksis med same konsekvens som ikkje bestått praksis. Studenten må då gjennomføre ny praksisperiode neste gong denne praksisperioden vert arrangert ordinært.