Vanlege spørsmål ved studiestart

Frå og med måndag 12. august.

Det er ulikt når du skal starte avhengig av kva du skal starte på. Sjekk timeplanen din.

Nei, det er ikkje obligatorisk å møte opp fysisk til studiestart, men vi anbefaler det sterkt. Du får mykje informasjon denne dagen, og eit første møte med klassen din.

Hugs at om du fekk plass i Samordna opptak eller skal gå TRES/Y-veg, skal du gjennomføre digital oppstartsregistrering sjølv om du ikkje møter på campus. Elles mister du studieplassen din.

Du får ein PIN-kode på SMS frå oss når du kan registrere deg. Når du har fått PIN-koden loggar du på Studentweb for å registrere deg.

Siste frist for å semesterregistrere deg er er 1. september for høstsemester og 1. februar for vårsemester, men du du bør gjere det så fort du får SMS frå oss slik at du får studielån, studentbevis med meir.

Vi har laga ei oppskrift på korleis du semesterregisterer deg.

Ja, viss det er krav om oppmøteregistrering på studiet ditt så må du gjere begge deler, ellers mister du studieplassen din.

Oppstartsregistreringa er ein bekreftelse frå deg at du ønskjer å starte på studiet. Det er for at vi skal kunne gje plassen vidare dersom du har ombestemt deg.

Semesterregistrering vil seie at du melder deg opp til undervising og eksamen for dei emna du skal ta. Du registrerer deg kvart semester du er student. Semesterregistreringa må du gjere innan 1. september for hausten og 1. februar for våren.

Slik semesterregistrerer du deg.

Slik bestiller du politiattest

Så snart du har fått studieplass, kan du søke om lån og stipend hos L ånekassen.

MEN du får ikkje pengane før du har betalt semesteravgift og fullført semesterregistreringa.

Når du søker om studielån, må du oppgi ein utdanningskategori. Vi har laga ei liste med kva utdanningar som høyrer til kva kategori.

Viss du ikkje har ein studentbrukar ennå, kan du gå inn her og søke opp studiet du skal starte på.

Har du ein studentbrukar, kan du sjekke timeplanen via Canvas

Canvas er ein digital læringsplattform du kjem til å bruke mykje som student. Her finn du all informasjon du treng om emna du skal ta, undervisning og kontakt med forelesarar. Her vil du også finne timeplanen din og pensumlister.

For å få tilgang til Canvas må du først semesterregistrere deg og aktivere brukarkontoen din. Merk at det kan ta eit par timar før påloggingen din vil virke!

Sjekk ut Canvas!

Nei, det må du ikkje. Høgskulen på Vestlandet er opptatt av å bruke nynorsk, men du kan fritt velje den målforma du sjølv ønskjer!

Når du har fått tilgang i Canvas, kan du velje pensumlenka under det aktuelle emnet.

Du kan også søke opp pensum i HVL sitt pensumlistesystem.

Viss du ikkje veit kva emna du skal ta heiter, kan du anten finne det i utdanningsplanen din i Studentweb eller søke fram studiet på hvl.no og sjå på emneoversikten.

Sjekk på Canvas eller høyr med emneansvarleg kva for pensumbøker det er viktig eller lurt å skaffe seg. Det blir ikkje forventa at du skal ha alt klart til studiestart.

Pensum kan lånast frå biblioteka på campusane, eller skaffast gjennom ulike bokhandlar. Ingen av campusane har eigen bokhandel på campus.

Campus Bergen

Du kan nytte Akademika, Norli eller andre lokale bokhandlarar, eller ein nettbokhandel. Det blir bruktbokhandel i K1-bygget, onsdag 21. august kl. 14.00–17.00.

Campus Haugesund

I Haugesund kan du skaffe pensum gjennom dei lokale bokhandlane Ark og Norli.

Campus Førde

Du kan nytte ein lokal bokhandel eller ein nettbokhandel.

Campus Sogndal

Du kan nytte dei lokale bokhandlane Ark og Norli på Amfi Sogningen, eller ein nettbokhandel. Det blir òg bruktbokhandel på campus i løpet av dei to første vekene.

Campus Stord

På Stord kan du skaffe pensum gjennom bokhandelen Norli, som ligg i Leirvik sentrum.

Oppmelding til undervisning og eksamen er ein del av semesterregistreringa i Studentweb. Når du godkjenner utdanningsplanen din for gjeldande semester, melder du deg opp til undervisning og eksamen i emna som ligg i planen din.

Meir om oppmelding til eksamen

For å få eit studentkort ved HVL må du laste opp eit bilde av deg sjølv på mittbilde.hvl.no.

Hugs at studentkortet er ditt nøkkelkort til campus, så last opp bildet så fort som mogleg. Kortet er klart ca. ein veke etter du har lasta opp bildet.

Her finn du meir informasjon om studentkort, kva slags bilde du må ha og korleis du kan hente det ut.

Ja, du kan søke om å få tidligare utdanning innpassa i studiet du skal starte på nå. Vi har eit elektronisk skjema du kan sende inn, men du kan ikkje gjere det før du har fått ein studentbrukar.

Du finn meir informasjon om fritak her.

Funksjonsnedsetting eller andre særskilde behov kan gi deg rett på individuell tilrettelegging.

Hugs på at som ny student er fristen for å søke om tilrettelegging 1. september for haustsemesteret og 1. februar om du byrjar om våren.

Her kan du finne meir informasjon om tilrettelegging.

Det er mykje bra som skjer under fadderveka!

Programmet finn du her, men hugs på at det stadig kjem oppdateringar fram mot studiestart.

Hugs at dei fleste er i samme situasjon som deg, og har lyst til å bli kjend med deg!

På alle campusar finn du ulike studentorganisasjonar og linjeforeninger du kan engasjere deg i, og bli kjend med andre på tvers av studium.

Les om studentlivet på din campus.

Vil du ha hjelp til å lykkast fagleg og sosialt? Ved Høgskulen på Vestlandet kan studentassistentane vere med og gi deg ein trygg start på studentlivet. Sjå meir i videoen under.

Informasjon om våre campus.

Nysgjerrig på korleis det er på plassen du skal studere? Finn ut meir om campusen din!

Som student kan du leige privat eller gjennom studentsamskipnaden Saman. Hugs at det kan vere lurt å sette seg inn i kva slags reglar som gjeld for deg som leigetakar.

Det er ikkje uvanleg å bli usikker eller ha spørsmål knytt til studieval eller vegen vidare. Vi har studierettleiarar som kan hjelpe deg!

Les meir om dei ulike tilboda her.