Praksis i lærarutdanning i praktiske og estetiske fag, trinn 1–13, musikk

Før praksis må du:

• Lese informasjonen på denne nettsida.
• Søke om politiattest snarast mogleg. 
• Sikre at du er undervisningsmeld og vurderingsmeld i praksisemnet.
• Delta på obligatoriske praksisførebuande møte. 
• Ta kontakt med praksislærar i god tid før praksis startar.
• Lese emneplan for praksis for ditt studieår. 

Før praksis må du lese emneplan for praksis for ditt studieår.

• Praksis 1.studieår LUPE musikk-LUPEMP100
• Praksis 2.studieår LUPE musikk-LUPEMP200
• Praksis 3.studieår LUPE musikk-LUPEMP300

Du bør også vere kjend med innhaldet i studieprogramplanen. Den viser målsettingane for praksisopplæringa og vidare omfang og modell for organisering av praksis i utdanninga.

• Studieplan LUPE musikk med emneoversikt musikk.

Nedanfor finn du i tillegg nasjonale og lokale føringar for praksis:

• Forskrift om rmmeplan for lærarutdanning i praktiske og estetiske fag, trinn 1-13
• Nasjonale retningslinjer for lærarutdanning i praktiske og stetiske fag, trinn 1-13
• Forskrift om studium og eksamen ved HVL (frå 1.8.2024)
• Lov om universiteter og høyskoler (universitets- og høyskoleloven), frå 1.8.2024
• Forskrift til universitets- og høyskoleloven (universitets- og høyskoleforskriften), frå 1.8.2024

Før praksisstart bør du tenke gjennom spørsmåla under og diskutere dei med praksisgruppa

• Har eg sett meg grundig nok inn i retningslinjer og emneplan?
• Korleis ser eg meg sjølv i rolla som lærar?
• Korleis ser eg på ansvaret mitt som teamdeltakar og medkollega?
• Korleis forheld eg meg til balansen mellom å vere student og kollega/medarbeidar på ein skule?
• Kva mål har eg sett meg for praksis?
• Korleis skal eg følgje opp eigne mål?
• Korleis skal eg ta ansvar for eiga læring i praksis?
• Korleis kan eg best gjere nytte av rettleiinga?
• Korleis gir og tek eg tilbakemelding?
• På kva måte vil eg ta opp kritiske problemstillingar?
• På kva måte skal eg møte positiv og negativ tilbakemelding?
• Korleis vil eg møte eventuelle samarbeidsproblem i praksisgruppa?
• Korleis kan eg bidra til å lage eit godt samarbeidsklima i praksisgruppa

Tips til korleis vere ein god praksisstudent:

• Møt presis på praksisskulen til alle timar også til dei du ikkje har ansvar for sjølv.
• Føl opp arbeid og avtalar du har teke på deg. Det er viktig at alle på praksisskulen kan sjå på deg som ein påliteleg kollega.
• Ver bevisst på rolla di, elevane ser ikkje på deg som student, men som ein vaksen.
• Rett deg etter reglementet på skulen, set deg også inn i dei uskrivne normene og reglane.
• Skriv gjerne logg, den kan brukast som grunnlag for rettleiing.
• Ver aktiv i rettleiingsøktene, også når medstudentar får rettleiing.
  Søk opp nødvendig informasjon sjølv og ver aktiv sjølv for å få tak i den informasjonen du treng for å kunne gjennomføre god undervisning.

Praksis er ein integrert del av faga i utdanninga og skal bidra til at studentane utviklar evne til å reflektere over og utvikle eiga profesjonsutøving. 

Førebuing, planlegging, gjennomføring og etterarbeid av praksis er obligatorisk. Sjå krav til oppmøte i praksis.

Praksis utgjer 130 heile arbeidsdagar fordelt slik på dei fem studieåra:

1. studieår 40 dagar: 30 dagar praksis i grunnskule og 10 dagar prosjektpraksis (allsang + trommesirkel)
2. studieår 30 dagar: 15 dagar praksis i ungdomsskule, 5 dagar i vidaregåande skule, 5 dagar folkehøgskule og 5 dagar fritidsmusikkliv (barnekor)
3. studieår 20 dagar:
   • Studentar som tar musikkemne: 10 dagar punktpraksis ungdomsskule haust. 10 dagar samanhengande praksis VGS vår
   • Studentar som tar GLU-emne: 20 dagar praksis i grunnskule
4. studieår 25 dagar: 20 dagar i VGS og 5 dagar i kulturskulen
5. studieår: 15 dagar prosjektpraksis i VGS eller grunnskule knytt til masteroppgåva

Praksis i kulturskule eller anna opplæring og formidling knytt til fagleg og kulturelt arbeid med barn, unge og vakse kan erstatte deler av praksis i grunnopplæringa.

HVL har faste praksisavtalar og praksisadministrasjonen tildeler og fordeler praksisplassar til studentane. I nokre av praksisperiodane vil du ha moglegheit til å kome med forslag til praksisplass.

Reisetid på inntil 1,5 time kvar veg frå bustad til praksisstad vert rekna som normalt. I nokre av praksisperiodane må studentar rekne med å bu på praksisstaden då avstanden er for stor til å pendle. 

Du kan ikkje ha praksis på eigen arbeidsstad eller der du har nære relasjonar til praksislærar eller der eigne barn er elevar.

Retningslinjer for praksis LUPE musikk 1. studieår. 

Retningslinjer for praksis LUPE musikk 2. studieår. 

Retningslinjer for praksis LUPE musikkemne 3.studieår

Retningslinjer for praksis LUPE 3.studieår - GLU emne.

3. studieår

For studentar som har valt GLU-emne:

• Haust 24: Praksis i grunnskule veke 42-43. Digitalt praksisførebuande møte 1.oktober kl. 14:30-15:30.
• Vår 25: 10 dagar samanhengande praksis på mellom- eller ungdomstrinnet, veke 5-6.

De vil bli samla i ei felles gruppe i praksis. 
Læringsutbytte for praksis finn du i emneplan LUPEMP300.
Øvrige rammer for praksis dette studieåret følgjer retningslinjer for praksis i GLU.

For studentar som har valt musikk-emne:

• Haust 24: 10 dagar punktpraksis i ungdomsskule. Veke 39 og 40: måndag, torsdag og fredag. Veke 42-43: måndag og torsdag
  Digitalt, førebuande møte 2 veker før praksisstart, info kjem.
• Vår 25: 10 dagar samanhengande praksis i vidaregående skule. Veke 12 og 13.
  Digitalt praksisførebuande møte 2 veker før praksisstart, info kjem. 

Meir info kjem seinare. 

Studentane vert vurderte etter læringsutbyteformuleringane i emneplan for dei aktuelle studieåra. I tillegg er studentane under løpande skikkavurdering gjennom heile utdanninga. 

Etter avslutta praksisperiode gjev praksislærar studenten ei skriftleg sluttvurdering. Studenten vert vurdert etter karakterskalaen bestått/ikkje bestått. Det er praksislærar og profesjonsrettleiar som i samarbeid fastset karakteren. Praksislærar har ansvar for å involvere høgskulen og eigen leiar i vurderinga dersom det er fare for at studenten ikkje vil få bestått praksis.

Praksislærar informerer studenten om karakteren i ein individuell vurderingssamtale siste dag i praksis. Vurderingsskjema skal signerast av praksislærar og student. Studenten og praksislærar beheld ein kopi kvar.  

Studenten leverer vurderinga digitalt i Wiseflow så snart praksisperioden er avslutta. Les meir om rutinar for praksisvurdering og innlevering av vurderingsskjema ved å klikke her.

Profesjonsrettleiar set karakter i Wiseflow.

Skjema for studenter som tar musikkemne:

Vurderingsskjema praksis 3.studieår høst ungdomsskole - bokmål

Vurderingsskjema praksis 3.studieår haust ungdomsskule - nynorsk

Skjema for vårpraksis kommer.

Skjema for studenter som tar GLU-emner:

Skjema for underveisvurdering høst

Skjema for sluttvurdering vår

Dersom det oppstår tvil om du vil nå måla for læringsutbytta og bestå praksis skal praksislærar fylle ut skjemaet "Varsel om fare for ikkje bestått praksis". Dette skal skje så tidleg som mogleg og seinast halvvegs i praksisperioden.

Les meir om varsel og rutinar ved fare for ikkje bestått her.

Når du får praksis vurdert til ikkje bestått, har du brukt eitt forsøk og heile praksisperioden må takast om att neste gong praksisperioden vert arrangert ordinært. Dette kan få konsekvensar for studieprogresjonen din.

Les meir om rutinar ved ikkje bestått praksis her.

Praksisopplæringa, inkludert praksisførebuing, observasjonsdagar og ulike møte, er obligatorisk.  Alt gyldig  fråvær må takast att for at du skal få oppfylt kravet om 130 dagar praksis. Dette gjeld uansett årsak til fråværet. Sjå informasjon om krav til oppmøte. 

Praksislærar kan godkjenne fråvær for enkelttimar. Ved behov for fråvær ut over dette, må du bruke skjemaet under. Søknaden skal sendast seinast 3 veker før praksisperioden startar. 

Ved akutte situasjonar kan fråvær bli godkjent på kortare varsel. Meld i frå til praksislærar og bruk skjemaet under for å melde frå om fråværet til HVL. Ved sjukdom inntil tre dagar skal du sende eigenmedling. Er sjukdomsperioden over tre dagar skal du sende sjukemelding. Skjemaet skal sendast inn seinast ein veke etter sjukdommen oppsto. Du kan kun levere eigenmelding ein gong i haustsemesteret og ein gong i vårsemesteret.  

Skjema til bruk ved fråvær

Har studenten behov for å utsette praksisdagar til neste studieår, må studenten sende søknad til praksiskoordinator ved HVL om dette. Studenten må legge ved dokumentasjon på årsak til behovet for å utsette praksisdagar. Høgskulen avgjer i kvart enkelt tilfelle kva som er gyldig dokumentasjon og om dette gir rett  på å utsette praksisdagar. Ei utsetting av praksis kan få konsekvensar for studenten sin studieprogresjon.

Høgskulen legg ikkje til rette for utsett praksis ved ugyldig fråvær. Ugyldig fråvær er fråvær som ikkje er dokumentert med eigenmelding, legeattest eller innvilga permisjon. Ferie og deltidsjobb er blant anna ikkje godkjent fråværsgrunn. Ugyldig fråvær fører til at praksisperioden blir registrert som avbroten. Avbroten praksis får same konsekvens som ikkje bestått praksis.  

Dersom ein student, på grunn av ugyldig fråvær, får avkorta praksisperioden slik at vedkommande ikkje kan vurderast, fører det til avbroten praksis med same konsekvens som ikkje bestått praksis. Studenten må då gjennomføre ny praksisperiode neste gong denne praksisperioden vert arrangert ordinært.